ރާއްޖޭގެ އެންމެ ބޮޑު ހޮސްޕިޓަލް ކަމަށްވާ އައިޖީއެމްއެޗްގެ ލެބޯޓަރީގެ ހިދުމަތް މިއަދު މެދުކެނޑިއްޖެ އެވެ.
އެ ހޮސްޕިޓަލުން ބުނީ ލެބޯޓަރީގެ ހިދުމަތް ވަގުތީ ގޮތުން މެދުކެނޑުނީ ފެނުގެ ނިޒާމަށް ދިމާވި މައްސަލައަކާ ގުޅިގެން ކަމަށާއި އެކަން ހައްލުކުރަން މިހާރު މަސައްކަތް ކުރެވެމުން އަންނަ ކަމަށެވެ.
ދަރުމަވަންތަ ހޮސްޕިޓަލްގެ ފެނުގެ ސިސްޓަމަށް ދިމާވި މައްސަލައަކާއި ގުޅިގެން، ލެބޯޓަރީގެ ޙިދުމަތް ވަގުތީ ގޮތުން ވަނީ ހުއްޓާލެވިފައިއެވެ. މިކަން ހައްލުކުރެވުނުހާ އަވަހަކަށް އިއުލާނު ކުރާނެވާހަކަ ދެންނެވީމެވެ. މިކަމުން ދިމާވެދާނެ ދަތިތަކަށް ނިހާޔަތަށް މަޢާފަށް އެދެމެވެ.
— IGMH (@igmhmv) March 9, 2023
އައިޖީއެމްއެެޗުން ބުނީ މިކަމާ ގުޅިގެން ދިމާވެދާނެ ދަތިތަކަށްޓަކައި މައާފަށް ވެސް އެދޭ ކަމަށެވެ.
އެ ހޮސްޕިޓަލަކީ ކޮންމެ ދުވަހަކު ވެސް އެތައް ސަތޭކަ ބަޔަކު ހިދުމަތް ހޯދަމުން އަންނަ ތަނެކެވެ.