މިއަހަރު ރާއްޖެއިން ހައްޖަށް މީހުން ގެންދަން 11 ކުންފުންޏަކުން ޝައުގުވެރިކަން ފާޅުކޮށް ބިޑު ހުށަހަޅައިފި އެވެ.
އިސްލާމިކް މިނިސްޓްރީން ބުނީ 11 ކުންފުންޏަކުން ބިޑް ހުށަހަޅާފައިވާއިރު މީގެ ތެރެއިން ހުއްދަދެވޭނީ އެންމެ މަތިން ޕޮއިންޓް ލިބޭ 3 ކުންފުންޏަކަށް ކަމަށެވެ. ރާއްޖެއަށް ލިބޭ ރަސްމީ ކޯޓާ ދޫކުރެވޭނީ ޙައްޖު ކޯޕަރޭޝަންގެ އިތުރުން 3 ކުންފުންޏަކަށް ކަމަށް މިނިސްޓްރީން ބުނެ އެވެ.
1444 ވަނަ އަހަރު ރާއްޖެއިން ޙައްޖަށް މީހުން ގެންދިއުމަށް އަމިއްލަ ކުންފުނިތަކުން ބިޑް ހުށަހެޅުން.
މިއަހަރު ރާއްޖެއަށް 1000 ކޯޓާ ވަނީ ލިބިފައި. pic.twitter.com/9QzfAJvUnJ— Ministry of Islamic Affairs (@MVIaffairs) March 14, 2023
އެގޮތުން ހުއްދަދެވޭ 3 ކުންފުނީގެ ތެރެއިން ކޮންމެ ކުންފުންޏަކަށް 90 ކޯޓާ ދޫކުރުމަށް ހަމަޖެހިފައިވާ ކަމަށް މިނިސްޓްރީން މައުލޫމާތުދެ އެވެ.
ރާއްޖެއިން ޙައްޖަށް މީހުން ގެންދިއުމަށް މިއަހަރު ލިބިފައިވަނީ 1000 ކޯޓާ އެވެ. މިދިޔަ އަހަރު ރާއްޖެއަށް ލިބުނީ 453 ކޯޓާ އެވެ.