ކުރީގެ ރައީސް އަބްދުﷲ ޔާމީން މިނިވަން ކުރުމަށް ގޮވާލާ އިދިކޮޅުން ކޯލިޝަނުން މުޅި ރާއްޖޭގައި ބާއްވަން ނިންމި މުޒާހަރާ ފަށައިފި އެވެ.
މު މުޒާހަރާ އެންމެ ބޮޑުކޮށް ކުރިއަށް ގެންދަނީ މާލޭގަ އެވެ. ރަސްފަންނު ސަރަހައްދުގައި ކުރިއަށްދާ މުޒާހަރާގެ ހަރަކާތްތަކުގައި އިދިކޮޅު ކޯލިޝަންގެ ލީޑަޝިޕްގެ ބޭފުޅުން ބައިވެރިވަމުންދާއިރު ފުލުހުން ވަނީ މުޒާހަރާގެ ބައިވެރިންނަށް ކުރިއަށް ނުދެވޭނެހެން ބެރިކޭޑް ޖަހާފަ އެވެ.
Raees Yameen minivan kuran govaalaa mulhi raajjeygai bavvaa ihuthijaajuge therein Sh.Komandoo. #FreePresidentYameen #RY2023 pic.twitter.com/uzenr15E7g
— Progressive Party of Maldives (@ProgressPartyMV) March 17, 2023
މުޒާހަރާގެ ބައިވެރިން އަންނަނީ ޔާމީނަށް ކޮށްފައިވަނީ ހަރާމް ހުކުމެއް ކަމަށާއި އެ ހުކުމް ބާތިލުކޮށް އެމަނިކުފާނު މިނިވަންކުރަން ގޮވާލަމުންނެވެ.
ޔާމީން 11 އަހަރަށް ޖަލަށްލާން ކްރިމިނަލް ކޯޓުން ހުކުމް ކުރީ މިދިޔަ ޑިސެމްބަރު މަހުގެ 25 ގަ އެވެ. އެ ދުވަހުން ފެށިގެން އިދިކޮޅު ސަޕޯޓަރުން އަންނަނީ ޔާމީން މިނިވަން ކުރުމަށް ގޮވާލާ ތަފާތު ހަރަކާތްތައް ކުރިއަށް ގެންދަމުންނެވެ. އެގޮތުން ކޮންމެ ރެޔަކު މާލޭގައި އިދިކޮޅުން އަންނަނީ އެއްވުންތައް ބާއްވަމުންނެވެ.
Raees Yameen minivan kuran govaalaa mulhi raajjeygai bavvaa ihuthijaajuge therein HA. Utheemu. #FreePresidentYameen #RY2023 pic.twitter.com/8H9451hR1r
— Progressive Party of Maldives (@ProgressPartyMV) March 17, 2023
ޔާމީނަށް 11 އަހަރުގެ ޖަލު ހުކުމެއް ކްރިމިނަލް ކޯޓުން އިއްވީ ވ. އާރަށުގެ މައްސަލައިގައި ޔާމީންގެ މައްޗަށް އުފުލާފައިވާ މަނީ ލޯންޑްރިންގެ ދަޢުވާ އާއި، ރިޝްވަތު ޤަބޫލުކުރުމުގެ ކުށުގެ ދައުވާ ސާބިތުވުމުންނެވެ. ދައުވާތައް ސާބިތުވުމުން ވަނީ ފަސް މިލިއަން ޑޮލަރުން ޖޫރިމަނާކޮށް އެ ފައިސާ ހަ މަސްތެރޭ ދެއްކުމަށް ވެސް އަމުރުކޮށްފަ އެވެ.
މި ދައުވާތައް ސާބިތުވުމުން އަންނަ އަހަރު ބާއްވާ ރިޔާސީ އިންތިހާބުގައި ވާދަކުރުމުގެ ފުރުސަތު ޔާމީނަށް މިހާރު ވަނީ ބަންދުވެފަ އެވެ.