ޓްވީޓާގައި މިހާރު ވެރިފައިކޮށްދޭ އުސޫލަށް ގެންނަން ނިންމި ބަދަލާ އެކީ އަންނަ މަހުން ފެށިެގން ވެރިފައި ބެޖް ލިބޭނީ ފީއެއް ދައްކަން ޖެހޭ ޓްވިޓާ ބްލޫ ބޭނުންކުރާ މީހުންނަށް އެކަނި ކަމަށް ނިންމައިފި އެވެ.
މިކަން މިއަދު އިއުލާންކޮށް ބުނެފައި ވަނީ އަންނަ މަހުގެ 1 އިން ފެށިގެން ވެރިފައިކޮށް ދޭނީ ޓްވިޓާ ބްލޫ ބޭނުންކުރާ މީހުންނަށް އެކަނި ކަމަށެވެ. ޓްވިޓާ ބްލޫ އަކީ ވެބްގައި މަހަކު 8 ޑޮލަރު އަދި އައިއޯއެސް/އެންޑްރޮއިޑްގައި 11 ޑޮލަރު ނަގާ ހިދުމަތެކެވެ.
On April 1st, we will begin winding down our legacy verified program and removing legacy verified checkmarks. To keep your blue checkmark on Twitter, individuals can sign up for Twitter Blue here: https://t.co/gzpCcwOpLp
Organizations can sign up for https://t.co/RlN5BbuGA3…
— Twitter Verified (@verified) March 23, 2023
މިދިޔަ އަހަރުގެ އޮކްޓޯބަރު މަހު މަހުޖަނު އީލޮން މަސްކް 44 ބިލިއަން ޑޮލަރަށް ޓްވިޓާ ބައްލަވައިގަތުމަށް ފަހު، އެކައުންޓް ވެރިފިކޭޝަނަށް ފީއެއް ދައްކާ ގޮތަށް ނިންމުމުން ވަރަށް ގިނަ ބައެއްގެ ފާޑުކިޔުންތައް އަމާޒުވި އެވެ. ނަމަވެސް އޭނަ ވިދާޅުވީ މިއީ ޓްވިޓާ ހަމައަކަށް އަޅުވަން ގެންނަ ބަދަލެއް ކަމަށާއި މީގެ ސަބަބުން ޓްވިޓާގެ ހަރަދުތައް މެނޭޖްކުރަން ވެސް ހަރުދަނާ އުސޫލެއްގެ ތެރެއިން މަސައްކަތް ކުރެވޭނެ ކަމަށެވެ.
ޓްވިޓާ އިން ވަނީ ދާދި ފަހުން ވެރިފިކޭޝަން ބެޖް ތަފާތު ކުލަތަކުން ވެސް ގެނެސްދޭން ފަށައިފަ އެވެ. އެގޮތުން ކުރިން ނޫ ޖުލައިގައި އިން ބެޖް މީހާރު ދޫކުރަނީ ސެލެބްރިޓީން ފަދަ މީސްމީހުންނެވެ. އަދި ވިޔަފާރިތަކަށް މިހާރު ހާއްސަކޮށްފައި ވަނީ ރަންކުލައިގެ ވެރިފިކޭޝަން ބެޖެެވެ. މީގެ އިތުރުން ސަރުކާރު/ސިޔާސީ އެކައުންޓްތަކަށް ދެނީ އަޅި ކުލައިގެ ބެޖެވެ.