ވެލާނާ އިންޓަނޭޝަނަލް އެއާޕޯޓުގެ ރަންވޭ ބަންދުކޮށްފި އެވެ.
ވެލާނާ އިންޓަނޭޝަނަލް އެއާޕޯޓު ހިންގަމުން އަންނަ މޯލްޑިވްސް އެއާޕޯޓްސް ކޮމްޕެނީން ބުނީ ރަންވޭ ބަންދު ކުރީ އެއާޕޯޓަށް މިއަދު މެންދުރު ޖެއްސި ފްލައި ދުބާއީގެ މަތިންދާ ބޯޓުގެ ފުރޮޅު ފަޅައިގެން ދިޔުމާ ގުޅިގެންނެވެ.
އެ ހާދިސާގައި އެ ބޯޓުގައި ދަތުރުކުރި އެއްވެސް ފަސިންޖަރަކަށް އަނިޔާ ވެފައި ނުވާ ކަމަށް އެމްއޭސީއެލް އިން މައުލޫމާތުދެ އެވެ.
An aircraft ground incident has been declared @VelanaAirport due to a tyre burst from an aircraft during landing. Passengers & crew are safe. The runway is temporarily closed & we are working to resume normal operations. The estimated time for runway closure is until 1700hrs.
— Maldives Airports Company Ltd – MACL (@MACLmedia) March 28, 2023
މި ހާދިސާއާ ގުޅިގެން ވެލާނާ އެއާޕޯޓުގެ ރަންވޭ ވަގުތީ ގޮތުން ބަންދުކޮށްފައިވާއިރު ހަވީރު 5 ޖެހުމާ ހަމައަށް ރަންވޭ ބަންދުވާނެ ކަމަށް އެމްއޭސީއެލުން ބުނެ އެވެ. އަދި އަލުން އޮޕަރޭޝަންސްތައް ފެށުމަށް މަސައްކަތް ކުރަމުން އަންނަ ކަމަށްވެސް ބުނެފައިވެ އެވެ.