ޓްވިޓާ އަށް އޭގެ މިހާރުގެ ވެރިޔާ އީލޮން މަސްކް ގެންނަވަން ބޭނުންވާ ބަދަލުތައް އެއަށް ގެންނަވާނެ ކަމަށާއި ހަމައެއާ އެކީ ޓްވިޓާގެ ކުރިމަގު ބައްޓަންކުރަން އާންމުންގެ ހިޔާލު ވެސް ވަރަށް މުހިއްމު ކަމަށް އާ ސީއީއޯ ލިންޑާ ޔަކަރީނޯ ވިދާޅުވެއްޖެ އެވެ.
އޭނަ ޓްވިޓާގެ ސީއީއޯއަކަށް ނެންގެވިކަން އީލޮން އިއުލާންކުރެއްވީ މިދިޔަ ހުކުރު ދުވަހު އެވެ. ލިންޑާ ރަސްމީކޮށް މަގާމާ ހަވާކުވެވަޑައިގަންނަވާނީ އަދި ދެ މަސް ފަހުންނެވެ.
Thank you @elonmusk!
I’ve long been inspired by your vision to create a brighter future. I’m excited to help bring this vision to Twitter and transform this business together! https://t.co/BcvySu7K76
— Linda Yaccarino (@lindayacc) May 13, 2023
އޭނަ ކުރެއްވި ޓްވީޓްތަކެއްގައި ވިދާޅުވީ އީލޮން އަކީ ކުރިއްސުރެ ވެސް އިންސްޕިރޭޝަނެއް ކަމަށާއި ޓްވިޓާގެ އިސްވެރިއެއްގެ ގޮތުގުި މަސައްކަތްކުރައްވަން ލިބިވަޑައިތުމަކީ ބޮޑު އުފަލެއް ކަމަށެވެ.
"އަހަންނަށް މިހާރު އާ ފޮލޯވަރުންތަކެއް ވެސް ލިބެން ފަށައިފި. އެކަމަކު އަހަންނަކީ އަދި އީލޮންހާ ކުޅަދާނަ މީހަކަށް ނުވެދާނެ. އެހެންވެ ޓްވިޓާގެ ކުރިމަގު ބައްޓަން ކުރަން އާންމުންގެ ހިޔާލު ވަރަށް މުހިއްމު ވާނެ،" ލިންޑާ ވިދާޅުވި އެވެ. "އެ ފުރުސަތު މިހާރު މިއޮތީ ހުޅުވާލެވިފައި."
I see I have some new followers👀…👋 I’m not as prolific as @elonmusk (yet!), but I’m just as committed to the future of this platform.
Your feedback is VITAL to that future. I’m here for all of it.
Let’s keep the conversation going and build Twitter 2.0 together!
— Linda Yaccarino (@lindayacc) May 13, 2023
އިޓަލީ ދަރިކޮޅުގެ އެމެރިކާގެ ރައްޔިތެއް ކަމަށްވާ އަދި ޕެން ޔުނިވަސިޓީން ތައުލީމު ހާސިލުކުރެއްވި ލިންޑާ އަކީ ކުރިން އެންބީސީ ޔުނިވާސަލް އާއި ޓާނާ އެންޓަޓައިންމަންޓްގައި މަސައްކަތް ކުރައްވާފައިވާ ބޭފުޅެކެވެ.