އަލަށް އޮސްޓްރޭލިއާގެ އެމްބަސީއެއް ރާއްޖޭގައި ހުޅުވައިފި އެވެ.
އެ ގައުމުގެ އެމްބަސީއެއް ރާއްގޭގައި ހުޅުވަން ނިންމިކަން އިއުލާންކުރީ މިދިޔަ އަހަރުގެ ފެބްރުއަރީގަ އެވެ. އެ އެމްބަސީ ހުޅުވިކަން އިއްޔެ އިއުލާނުކޮށް ސްރީ ލަންކާގައި ހުންނަ އޮސްޓްރޭލިއާގެ ހައި ކޮމިޝަނުން ބުނީ، މިކަމުގެ ސަބަބުން ދެ ގައުމުގެ ގުޅުން އިތުރަށް ބަދަހިވެގެން ދާނެ ކަމަށެވެ.
Very pleased to announce that 🇦🇺 has opened an office in Malé, Maldives. 🇦🇺deeply values our warm and productive relationship with 🇲🇻 and looks forward to strengthening our bilateral relationship.
To stay updated on 🇦🇺’s engagements with Maldives, visit👉https://t.co/QvUeXyfgIv pic.twitter.com/oeNCNcxAHK— Australia in Sri Lanka and Maldives (@AusHCSriLanka) May 24, 2023
މިކަމާ ގުޅިގެން ރާއްޖޭގެ ފޮރިން މިނިސްޓަރު އަބްދުﷲ ޝާހިދު ވެސް މަރުހަބާ ވިދާޅުވެ ޓްވީޓް ކުރައްވާފައިވެ އެވެ.
ދިވެހިރާއްޖޭގައި އޮސްޓްރޭލިއާގެ ހައިކޮމިޝަނެއް ހުޅުވުމުން ނުހަނު އުފާ ކުރަން.
މިކަމުގެ ސަބަބުން ދިވެހިރާއްޖެއާ އޮސްޓްރޭލިއާ އާ ދެމެދު އޮންނަ ޒަމާންވީ ގާތް ގުޅުން އިތުރަށް ބަދަހިވެ، އައު އުސްމިންތަތަކަށް ދާނެކަމަށް އަޅުގަނޑު ޔަޤީންކުރަން.
— Abdulla Shahid (@abdulla_shahid) May 24, 2023
އޮސްޓްރޭލިއާގެ އެމްބަސީ ހުޅުވީ ހޮޓެލް ޖެންގެ ފަސް ވަނަ ފަންގިފިލާގަ އެވެ.
ގިނަ ގައުމުތަކުން ރާއްޖެއާ ގުޅުންހުރި ޑިޕްލޮމެޓިކް ކަންކަން ކުރިއަށް ގެންދަނީ ލަންކާގައި ހުންނަ އެ ގައުމުގެ އެމްބަސީތައް މެދުވެރިކޮށެވެ. އެގޮތުން އޮސްޓްރޭލިއާ އާއިު ރާއްޖޭގެ މުއާމަލާތް ހިންގަމުން އައީ ލަންކާ މެދުވެރިކޮށެވެ. އަދި އެ ގައުމުގެ އެމްބަސީއެއް ރާއްޖޭގައި ހުޅުވިޔަސް އަދިވެސް ޕޯސްޕޯޓާއި ވިސާ ފަދަ ކޮންސިއުލާ ހިދުމަތްތައް ދޭނީ ލަންކާގައި ހުންނަ ހައި ކޮމިޝަނުންނެވެ.