މިއަދު ކުރިއަށްދާ ރިޔާސީ އިންތިހާބުގެ ދެވަނަ ބުރުގައި ވޯޓު ހައްގުވާ 70 ޕަސެންޓް މީހުން ވޯޓުލައިފި އެވެ.
އިލެކްޝަންސް ކޮމިޝަނުން ބުނީ މެންދުރު 3 ޖެހުމާ ހަމައަށް 70 ޕަސެންޓް މީހުން ވޯޓުލާފައިވާ ކަމަށެވެ. އެއީ 199،023 މީހުންނެވެ. އަދި ވޯޓުނުލާ 83،781 މީހުން އެބަތިބި ކަމަށް އީސީގެ ތަފާސް ހިސާބުން ދައްކަ އެވެ.
މިހާރު ކުރިއަށްދާ ރިޔާސީ އިންތިޚާބު 2023ގެ ދެވަނަ ބުރުގައި 15:00އާ ހަމައަށް ވޯޓުލާފައިވާ ނިސްބަތް pic.twitter.com/miCxiAXRng
— Elections Commission (@ElectionsMv) September 30, 2023
ދެވަނަ ބުރުގައި 282،804 މީހުންނަށް ވޯޓުލުމުގެ ހައްގު ލިބިގެންވެ އެވެ.
އިންތިހާބުގެ ދެވަނަ ބުރުގައި ވާދަކުރައްވާނީ އެމްޑީޕީގެ ރިޔާސީ ކެންޑިޑޭޓް، ރައީސް އިބްރާހިމް މުހައްމަދު ސޯލިހާއި ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒެވެ.
ވޯޓުލުން ފެށީ ހެނދުނު 8 ޖެހިއިރު ކަމަށްވާއިރު ވޯޓުލުން ނިމޭނީ 5 ޖަހާއިރު އެވެ.