ފިލިޕީންސަށް މިއަދު ބާރުގަދަ ބިންހެލުމެއް އަތުވެއްޖެ އެވެ.
މީޑިއާތަކުން ބުނީ އެ ގައުމުހެ ގަޑިން ހަވީރު 4:14 ގައި ބިންހެލުން އައީ ދެކުނު މިންޑިނާއޯ އަށް ސަރަހައްދަށް ރިކްޓަ މިންގަނޑުން 7.2 ބާރު މިނުގައި ކަމަށެވެ. ނަމަވެސް ފަހުން ފިލިޕީންސްގެ އިންސްޓިޓިއުޓް އޮފް ވޮލްކެނޮލޮޖީ އެންޑް ސީސްމޮލޮޖީން ވަނީ ބިންހެލުން އައީ ރިކްޓަމިންގަނޑުން 6.8 ބާރު މިނުގައި ކަމަށް ބުނެފަ އެވެ.
TINGNAN: Nagdulot ng pangamba sa isang mall sa General Santos City nang yumanig at maglaglagan ang debris sa kasagsagan ng magnitude 6.8 na lindol na naitala ang episentro sa Davao Occidental. (📹: Gregorio Narajos) | via Chat Ansagay pic.twitter.com/55cqdi9Rei
— ABS-CBN News (@ABSCBNNews) November 17, 2023
މި ބިންހެލުމާ ގުޅިގެން މިހާތަނަށް އެއްވެސް ގެއްލުމެއް އަދި ބަޔަކަށް އަނިޔާވިކަމުގެ ރިޕޯޓެއް އަދި ނުލިބެ އެވެ. ނަމަވެސް ބިންހެލުން އައި ސަރަހައްދުގެ ހާލަތު ކަމާބެހޭ އިދާރާތަކުން އަންނަނީ ޗެކްކުރަމުންނެވެ.
ފިލިޕީންސަށް މިއަދު ބިންހެލުން އައި ސަރަހައްދަކީ 26 މިލިއަން ދިރިއުޅެމުން އަންނަ ތަނެކެވެ. އަދި އެއީ ގައުމުގެ ދެވަނަ އަށް އެންމެ ބޮޑު ރަށެވެ.