ސޯޝަލް މީޑިއާގައި ހާއްސަކޮށް އެކްސްގައި ދެކެވޭ އެއް ވާހަކަ އަކީ އިންޑިއާ މީހުން ފަށާފައިވާ ރާއްޖޭގެ ފަތުރުވެރިކަން ބޮއިކޮޓް ކުރުމުގެ ކެމްޕެއިނެވެ. މިއީ ލަކްޝަދީޕް ރަށްތަކަށް ޕްރޮމޯޓްކޮށް އެ ޤައުމުގެ ބޮޑުވަޒީރު ބުރާސްފަތި ދުވަހު ސޯޝަލް މީޑިއާއަށް ދޫކޮށްލި ފޮޓޯ ތަކާއި އެކު ފެށިގެން ދިޔަ ކެމްޕެއިނެކެވެ.
އިންޑިއާގެ ބައެއް މީހުން ކެމްޕެއިން ނެގީ، ރާއްޖެއަށް އިންޑިއާ ފަތުރުވެރިން އައުމުގެ ބަދަލުގައި އެ ތަނަށް ދިއުމަށް އިންޑީއާއިން ގޮވާލި ގޮވާލުމެއްގެ ގޮތުގައެވެ. އަދި މިއީ ރާއްޖެގެ ފަތުރުވެރިކަމާއި ދެކޮޅަށް އެ ޤައުމުން އެޅި ފިޔަވަޅެއްގެ ގޮތުގައިވެސް ބައެއް މީހުން ސިފަކުރެއެވެ. އެފަދަ ބައެއް މީހުން ސޯޝަލް މީޑިއާގައި ހަމަލާތައް ދޭން "ވަޒަން" ގޮތުގައި ބޭނުން ކުރަން ފެށީ ރާއްޖޭގައި ތިބި އިންޑީއާ ސިފައިން ބޭލުމަށް މިހާރު ސަރުކާރުގައި ތިބި ފަރާތްތަކުން އޭރު ހިންގި "އިންޑިއާ އައުޓް" ކެމްޕެއިނެވެ.
އެ ޤައުމުގެ މީހުން އަމިއްލަ ޤައުމު ޕްރޮމޯޓް ކުރުމަށް ކޮންމެ ވާހަކައެއް ވެސް ދައްކާނެއެވެ. ރާއްޖެއަށް އިންޑިއާއިން ފަތުރުވެރިން ނުދިއުމަށް އެ ފަރާތްތަކުން ފެށި ކެމްޕެއިންތެރެއަށް މިއަދު އިތުރުވި ބޮޅަކީ އެ މީހުން ސަރުކާރުގެ ވަޒީރު ފެންވަރުގެ މަޤާމުގައި ތިބި ބައެއް ފަރާތްތަކުން ކުރި ޓްވީޓުތައް އެއީ ސަރުކާރުގެ ވިސްނުން ކަމުގައި ދައްކައި ކެމްޕެއިން ތެރޭގައި ބޭނުން ކުރަން ފެށުމެވެ.
The thing with Maldives is that their Government officials are trolls and citizens are actually one's capable of running the government. Its fine for us citizens to get involved in trolling on both sides. But when government officials decide to jump in it makes the matter serious https://t.co/i6YygoJuOn
— Memes Of Bharat 🇮🇳 (@MemesOfBharat) January 6, 2024
މިފަދަ ބައެއް ޕޯސްޓުތަކާއި އަދި ސަރުކާރަށް ތާއިދު ކުރާ ފަރާތްތަކުން އިންޑިއާ މީހުންނަށް ނިސްބަތްވާ ގޮތަށް ކޮށްފައިވާ ޕޯސްޓުތައް ސޯޝަލް މީޑިއާގައި އެމީހުން ދަނީ އެކި ގޮތްގޮތަށް ދައުރު ކުރަމުންނެވެ.
ރާއްޖޭގެ ފަތުރުވެރިކަން ޕްރޮމޯޓް ކުރުމަށް އެހެން ބަޔަކަށް ޖަވާބު ދޭކަށް ނުޖެހެއެވެ. ދުނިޔޭގެ އެންމެ މަޤުބޫލު މަންޒިލުގެ އެވޯޑު ރާއްޖެއިން ވިދިވިދިގެން 4 ފަހަރު ހޯދާފައިވަނީ ހަމައެކަނި ޤުދުރަތީ ގޮތުން ރީތިވީމައެއް ނޫނެނެވެ. ދިވެހިން މެހެމާންދާރީއާއި ދިވެހިންގެ މި ސިނާޢާތަތަށް ދީފައިވާ އިސްކަމެއްގެ ސަބަބުންނެވެ.
Beyru qaumu thakuge tourism vaahaka dhehkumah vuren aharuge kurierumuge vaahaaka dhehkun maarangalhu. Mihaaru ves male fiyavaa emme Buxy airport Maafarun flight thakah alhaa theyo husvefai 4 dhuvas vanee 4-5 jet nufurifa emme musandhin ais raajeygai thaashi vaakah benumeh…
— Mohamed Firaq (@mohamedfiraq) January 6, 2024
ސަރުކާރުގެ އިސްވެރިން އެކްޓިވިސްޓުން ގޮތަށް ޖަވާބުދޭން ފެށީމަ ދެން ވެއްޔާ މޮޑޭނީ އަޅުގަނޑުމެން ދިވެހިން ނަމެއް ނޫންތޯއެވެ. މިކަމަށް ސިޔާސީ ވެރިން ވިސްނަން ޖެހެއެވެ. ސޯޝަލް މީޑިއާގައި ވެސް ބައެއް ފަރާތްތަކުން މިކަމަށް ވަނީ ފާޑު ކިޔާފައެވެ. އެގޮތުން އިނަ މޯލްޑިވްސް ވެރިޔާ މުހައްމަދު ފިރާޤް ވިދާޅީ އެހެން ބައެއްގެ ވާހަކަ ދެއްކުމަށްވުރެ އަހަރުމެންގެ ޓުއަރިޒަމްގެ ވާހަކަ ދެއްކުން މާ ރަނގަޅުވާނެ ކަމަށެވެ.
If you are holding public office, be diplomatic, at least on social media!
— Sariira A. Shareef 🇲🇻🇵🇸 #RiseRT #FreePalestine (@sariiira) January 6, 2024
Sarukaaru ge ministerunnaai deputy ministerun mihen ledigen kurierumeh nulibeyne. Emme meehaku Madhu vumakee ves gellumeh.
Raajje boycott kuran e kuraa campaign ithurah fulhaa kuran hivvaru dhemun midhanee mi sarukaaru ge deputy ministerun pic.twitter.com/P2LbDTlSy6— Issis 🇲🇻 (@Aliixxath) January 6, 2024
އިންޑިއާ ސިފައިން ރާއްޖެއިން ބޭރު ކުރުމަށް އެ ޤައުމާއެކު މަތީ ފަންތީގެ މަޝްވަރާތައް ފެށިފައިވާ ކަމަށް ސަރުކާރުން ވަނީ ހަމަކޮށްފައެވެ. އަދި އެކަން ކުރާނީ ޑިޕްލޮމެޓިކް އުސޫލުތަކުގެ ތެރެއިން ތެރެއިން ކަމަށް ރައީސް ޑރ. މުހައްމަދު މުއިއްޒު ވަނީ ވިދާޅުވެފައެވެ. އެހެން ކަމުން މިގޮތަށް ކުރެވޭ ކެމްޕެއިންތަކަށް ޖަވާބުދިނުމަށް ވުރެ އަޅުގަނޑުމެން ރާއްޖެ ޕްރޮމޯޓް ކުރަން މަސައްކަތް ކުރުން މާ ރަނގަޅު ކަމަށް ގިނަ ބަޔަކު ޤަބޫލު ކުރެއެވެ.