ހައްޖުވެރިން އުފުލަން ސައުދީ އަރަބިއްޔާ އިން އުދުހޭ ޓެކްސީ ބޭނުން ކުރަން ނިންމައިފި އެވެ،
ސަރުކާރުން މިކަން ކުރިއަށް ގެންދަން ނިންމާފައި ވަނީ ސައުދީގެ ގައުމީ އެއާލައިން އޮޕަރޭޓްކުރާ ސައުދިއާ ގްރޫޕާ ގުޅިގެންނެވެ. އެގޮތުން 100 އެއްހާ އިލެކްޓްރިކް އުދުހޭ ޓެކްސީ ގަންނަން ވަނީ ނިންމައިފަ އެވެ. އެއިން ކޮންމެ އެއްޗެއްގައި 4-6 މީހުންގެ ޖާގަ އެކުލެވޭނެ އެވެ.
އުދުހޭ ޓެކްސީ ބޭނުން ކުރަނީ ހައްޖު ދުވަސްވަރު ޖިއްދާގެ ކިންގް އަބްދުލްއަޒީޒު އިންޓަނޭޝަނަލް އެއާޕޯޓާއި މައްކާގެ ހޮޓާތަކަށް ހައްޖުވެރިން އުފުލުން ފަދަ ކަންކަމަށެވެ.
رسميًا:
الخطوط السعودية تستعد لاستخدام "التاكسي الطائر" كوسيلة جديدة في مواسم الحج لنقل الركاب بين مطار الملك عبدالعزيز بجدة وفنادق مكة المكرمة 🤍🇸🇦 pic.twitter.com/6RgNrWPqrm
— Gorgeous (@gorgeous4ew) January 13, 2024
މިކަމާ ގުޅޭ ގޮތުން ސައުދީގެ ސައުދިއާ ގްރޫޕްގެ ތަރުޖަމާނު އަބްދުﷲ އަލް-ޝަހްރާނީ ވިދާޅުވީ 100 އުދުހޭ ޓެކްސީ ގަންނަން މިހާރު ޖަރުމަންގެ ކުންފުންޏަކާ އެކީ ކޮންޓްރެކްޓް ވެސް ހަދާފައިވާ ކަމަށެވެ. އޭނަ ވިދާޅުވި ގޮތުގައި ހައްޖު މޫސުމުގައި ދަތުރުފަތުރަށް މުޅިން އަލަށް އުދުހޭ ޓެކްސީ ބޭނުން ކުރަން ފެށުމަކީ ސައުދީގެ އެތެރޭގެ ދަތުރުފަތުރުތަކަށް ލިބޭ ވަރަށް ބޮޑު ފަސޭހައަކަށް ވާނެ އެވެ. ހާއްސަކޮށް ޓްރެފިކް ތޮއްޖެހުން ފަދަ މައްސަލަތައް ވަރަށް ބޮޑަށް ކުޑަކުރެވޭނެ ކަމަށް ވިދާޅުވި އެވެ.
فيديو متداول.. مقترح تصميم "التاكسي الطائر" من شركة الخطوط السعودية.
بإمكانها نقل المسافر الحاج أو المعتمر مباشرة من المطار إلى الفندق على أن يكون هناك مهبط مخصص لها في حال الاعتماد. https://t.co/M2DdE57Wkw pic.twitter.com/A39w23fyKB
— الموجز السعودي (@saudistuff) January 11, 2024
އަބްދުﷲ ވިދާޅުވީ މި އުދުހޭ ޓެކްސީތަކުން ހައްޖުވެރިން މަސްޖިދު ނަބަވީ އާއި ހައްޖުގެ ތެރޭގައި ކުރަން ޖެހޭ އެކިއެކި ދަތުރުތަކަށް ބޭނުން ކުރާނެ ކަމަށެވެ.
"މިއީ ސައުދީގެ ދަތުރުފަތުރުގެ ނިޒާމަށް ވެސް އިންގިލާބީ ބަދަލެއް ގެނުވައި ދޭނެ ކަމެއް." އޭނަ ވިދާޅުވި އެވެ.
ކޮންމެ އަހަރެއްގެ ހައްޖު މޫސުމާ އެކީ ސައުދީ އަށް އެވްރެޖްކޮށް، ދެ މިލިއަނެއްހާ މީހުން ޒިޔާރަތްކުރެ އެވެ.