ދިވެހި ޅެމުން ނަފުސާނީ ފަރުވާއާ ހޯދުމާ ގުޅޭ ފަންނީ މަސައްކަތްތަކާ ގުޅޭ ގޮތުންއެ ދާއިރާގެ ފަރާތްތަކާ މަޝްވަރާކޮށްފި އެވެ.
އެ ބައްދަލުވުމުގައި މިނިސްޓަރު އާދަމް ނަޞީރު އިބްރާހީމް ވިދާޅުވީ ޅެމުން ނަފުސާނީ ފަރުވާ ދިނުމަކީ ދުނިޔޭގެ ގައުމުތަކުގައި ކުރަމުން އަންނަ ކަމެއް ކަމަށާއި މިއީ ރާއްޖެއަށް ވަރަށް އާ ކަމަށް ވިޔަސް ދިވެހި ޅެން ބޭނުންކޮށްގެން ނަފުސާނީ ފަރުވާ ދިނުމަކީ ކުރެވިދާނެ ކަމެއް ކަމަށެވެ.
ދިވެހި ޅެމުން ނަަފުސާނީ ފަރުވާ ހޯދޭނެ ގޮތްތަކާ ގުޅޭ ގޮތުން އެ ހިދުމަތަށް ހާއްސަ ބޭފުޅުންގެ ޚިޔާލު ހޯދައި އެކަމުގެ ފަންނީ މަސައްކަތްތަކާ ބެހޭ ގޮތުން ފުޅާ ދާއިރާއެއްގައި މަޝްވަރާކޮށްފައިވެ އެވެ.
ދިވެހި ޅެން ބޭނުންކޮށްގެން ނަފްސާނީ ދުޅަހެޔޮކަން އިތުރު ކުރުމާއި، ނަފްސާނީ ފަރުވާގައި ދިވެހި ޅެން ބޭނުން ކުރުމުގެ ޢިލްމީ މަސައްކަތް އެކުލަވާލައި ކުރިއަށް ގެންދާނެ ގޮތްތަކާ ބެހޭގޮތުން މަޝްވަރާކުރުމަށް ކަމާގުޅޭ ބައެއް މުއައްސަސާތަކާ އެކު ބޭއްވުނު ބައްދަލުވުން.#ދައުލަތުގެޓީމު pic.twitter.com/cYEs7xrjmK
— Ministry of Dhivehi Language, Culture and Heritage (@MoDLCH) February 6, 2024
ބައްދަލުވުމުގައި ދިވެހި ބަހާއި ސަގާފަތާއި ތަރިކައާ ބެހޭ ވުޒާރާގެ ބައެއް އިސްވެރިންނާއި ސޮސައިޓީ ފޯ ހެލްތް އެޑިއުކޭޝަން (ޝީ)، މެންޓަލް ހެލްތް ސެންޓަރު، ޗައިލްޑް ޑިވެލޮޕްމަންޓް ސެންޓަރު އަދި ދަމަަނަވެށިން ވަނީ ބައިވެރިވެފައިވެ އެވެ.
މިކަމާ ގުޅޭ ދިރާސާތައް ހެދުމުގެ މަސައްކަތް ގައުމީ ޔުނިވަސިޓީއާ ގުޅިގެން ކުރިއަށް ގެންދަވާނެ ކަމަށް މިނިސްޓަރު ވިދާޅުވި އެވެ. އަދި އެކަމާ ގުޅޭ މަޝްވަރާތައް ވެސް ކުރިއަށްދާ ވިދާޅުވި އެވެ.
މިނިސްޓަރު ނަސީރު ވަނީ ކަމާ ގުޅުން ހުރި ބައެއް މުއައްސަސާތަކާ ވެސް ބައްދަލުކޮށް މިކަމާ ގުޅޭ ގޮތުން މަޝްވަރާ ކުރައްވައިފަ އެވެ.