ދިވެހި އަސްކަރީއްޔާގެ ވައިގެ ބާރު "އެއަރ ކޯ" އުފެއްދުވައި އިފްތިތާޙް ކުރުމާއި ގުޅިގެން ކުރީގެ ރައީސް މައުމޫން އަބްދުލްޤައްޔޫމް ރައީސް ޑރ. މުހައްމަދު މުއިއްޒުއަށް ތަހުނިޔާ ވިދާޅުވެއްޖެއެވެ.
ދިވެހި އަސްކަރީއްޔާގެ ވައިގެ ބާރު ފުރަތަމަ ފަހަރަށް އުފެއްދަވައި ރޭ ވަނީ ރަސްމީކޮށް އިފްތާޙްކޮށްފައެވެ. އަސްކަރީއްޔާގެ އެއަރ ކޯ އުފައްދަވާފައިވަނީ ތުރުކީގެ އެހީއާއެކު ލިބުނު ޑްރޯން ތަކާއި އެކުގައެވެ. ދިވެހި އަސްކަރީއްޔާގެ އެއަރ ކޯ އިފްތިތާޙްކޮށްދެއްވާފައިވަނީ ރައީސް ޑރ. މުހައްމަދު މުޢިއްޒުއެވެ.
މިކަމާއި ގުޅުވައި ކުރީގެ ރައީސް މައުމޫން ކުރެއްވި ޕޯސްޓެއްގައި އެމަނިކުފާނު ވަނީ މި ތަރީޙީ މުނާސަބަތުގައި ރައީސް ޑރ. މުހައްމަދު މުއިއްޒުއަށް ތަހުނިޔާ ދަންނަވާފައެވެ.
އެމްއެންޑީއެފް އެއަރ ކޯ އިފްތިތާޙުކުރުމުގެ ތާރީޚީމުނާސަބަތުގައި ޢިއްޒަތްތެރި ރައީސުލްޖުމްހޫރިއްޔާއަށާއި ދިވެހިސިފައިންނަށް އިޚްލާޞްތެރިކަމާއެކު ތަހުނިޔާދަންނަވަން.
— Maumoon Abdul Gayoom (@maumoonagayoom) March 16, 2024
ދިވެހި އަސްކަރީއްޔާއަށް ތަޢާރަފް ކުރެވުނު މި ޑްރޯންގެ ބޭނުމަކީ ރާއްޖޭގެ ހާއްސަ އިޤްތިޞާދީ ސަރައްދު 24 ގަޑިއިރު އަމިއްލަ ބާރުގައި ބެލެހެއްޓުމެވެ. މިގޮތުން އެއަރ ކޯ 3 ޑްރޯން އާއެކު ފެށި ނަމަވެސް، ކުރިއަށް އޮތް ތަނުގައި މި ޚިދުމަތް މިއަށް ވުރެ ފުޅާވެގެން ދާނެ ކަމަށް ރައީސް ޑރ. މުހައްމަދު މުޢިއްޒު ވަނީ ވިދާޅުވެފައެވެ.