ބޯކޮށް ވާރޭވެހި ކ. ގުރައިދޫގައި ފެންބޮޑުވެއްޖެ އެވެ.
ނޭޝަނަލް ޑިޒާސްޓާ މެނޭޖްމަންޓު އޮތޯރިޓީ (އެންޑީއެމްއޭ)އިން ބުނީ މިހާރު ކުރަމުންދާ ވިއްސާރައިގައި ގުރައިދޫގައި ފެންބޮޑުވެ ގިނަ ގޭގެ އަށް އަސަރުކުރަމުންދާ ކަމަށެވެ. މި ހާދިސާއަށް އިޖާބަ ދިނުމުގެ މަސައްކަތް ކައުންސިލާއި ރަށުގެ ރައްޔިތުން އަދި މުއައްސަސާތައް ގުޅިގެން ކުރަމުންދާ ކަމަށް އެންޑީއެމްއޭ އިން ބުނެ އެވެ.
މި ދުވަސްވަރަކީ މުޅި ރާއްޖެ އަށް ވެސް މޫސުން ގޯސް ދުވަސްވަރެކެވެ. މެޓް އޮފީހުން ވަނީ ދަންވަރު 1 ޖެހުމާ ހަމައަށް ހއ. އަތޮޅުން ފެށިގެން ލ. އަތޮޅާއި ހަމައަށް ވައިޓް އެލާޓް ނެރެފަ އެވެ.
އެ ވަގުތުތަކުގައި ބޯކޮށް ވާރޭވެހުމާ އެކު ގުގުރާނެ ކަމަށް ވަނީ ލަފާކޮށްފަ އެވެ.