ވިސާ ހަމަވުމުން ވެސް ގައުމަށް ނުގޮސް ރާއްޖޭގައި އުޅުނު ބިދޭސީއަކު ޑީޕޯޓުކޮށްލައިފި އެވެ.
މޯލްޑިވްސް އިމިގްރޭޝަނުން ބުނީ މިދިޔަ އަހަރުގެ ޑިސެންބަރު 20 ވަނަ ދުވަހު ރާއްޖެ އެތެރެވެފައިވާ ނޯވޭގެ ފަތުރުވެރިއެއް، ވިސާގެ މުއްދަތު ހަމަވުމުން ވެސް އަނބުރާ ގައުމަށް ނުގޮސް، ރާއްޖޭގައި މަސައްކަތްކޮށް ދިޔައީ ދިރިއުޅެމުން ކަމަށެވެ.
އެ މައްސަލައާ ގުޅިގެން ފުލުހުންގެ އެހީތެރިކަމާއެކު އޭނާ މިދިޔަ މަހުގެ 25 ވަނަ ދުވަހު އިމިގްރޭޝަން ބެލުމުގެ ދަށަށް ގެނެވުނު ކަމަށް އެ އިދާރާ އިން ބުނެ އެވެ. އަދި އިމިގްރޭޝަންގެ ޤާނޫނާއި ޚިލާފުވެފައި ވާތީ އޭނާ މިހާރު ޑީޕޯޓުކޮށްލާފައިވާ ކަމަށްވެސް ބުންޏެވެ.