ސްރީލަންކާގައި ދިރިއުޅޭ ދިވެހިން ސަމާލުވާން އެގައުމުގައި ހުންނަ ރާއްޖޭގެ ހައިކޮމިޝަނުން އިލްތިމާސްކޮށްފި އެވެ.
ލަންކާގައި ހުންނަ ރާއްޖޭގެ ހައިކޮމިޝަނުން ބުނީ އަންނަ ހޮނިހިރު ދުވަހު ބޭއްވުމަށް ހަމަޖެހިފައިވާ ލަންކާގެ ރިޔާސީ އިންތިޚާބާއި ގުޅިގެން، ސަލާމަތީ ފިޔަވަޅުތައް އިތުރުކުރެވިފައިވުމާއެކު، މިދަނޑިވަޅުގައި އިތުރަށް ސަމާލުވުމަށް ދިވެހިންނަށް އިލްތިމާސްކުރާ ކަމަށެވެ.
މިގޮތުން، ބޭރަށް ދާއިރު އައިޑެންޓިފިކޭޝަން ގެންގުޅުމަށާއި، ވޯޓުލާ މަރުކަޒުތައް ކައިރިއަށް ނުދިޔުމަށާއި، ދަން ގަނޑިތަކުގައި ބޭރުގައި ނޫޅުމަށާއި، ފުލުހުން ނުވަތަ ސަލާމަތީ ޚިދުމަތްތަކުގެ އިރުޝާދުތަކަށް ކިޔަމަންވުމަށް ވަނީ އިލްތިމާސްކޮށްފަ އެވެ.
މީގެއިތުރުން ކުރިއަށް އޮތް ބަންދު ދުވަސްތަކަށް ވިސްނަވައި ވިސާއާއި ގުޅުންހުރި ކަންކަން ހަމަޖެއްސުމަށް ވެސް ވަނީ އިލްތިމާސްކޮށްފަ އެވެ.