ރާއްޖޭގައި އިންޑޮނޭޝިއާގެ އަންހެނަކު ރޭޕްކޮށް، މަރާލާފައިވާ ކަމަށް ބުނެ ސޯޝަލް މީޑިއާގައި ފަރުތަމުންދާ ވާހަކަތައް ހޯމްލޭންޑް މިނިސްޓަރު އަލީ އިހުސާން ދޮގު ކުރައްވައިފި އެވެ.
ސޯޝަލް މީޑިއާގައި އެ ވާހަކަ ރޭ ދައުރުކޮށް، އެކަމުގެ ވީޑިއޯ ވެސް އެބަހުރި ކަމަށް ބުނެފައިވެ އެވެ.
މިކަމާ ގުޅިގެން މިނިސްޓަރު ބިދޭސީ އަންހެނަކު ރޭޕްކޮށް މަރާލާފައިވާ ކަމަށް ބުނެ ވީޑިއޯއަކާ ހަވާލާދީ ދެކެވޭ ވާހަކަ އަކީ 2021، މޭ ގައި ބަންގަލްދޭޝް ނޫހަކުން ރިޕޯޓްކޮށްފައިވާ ހާދިސާއަކާ ގުޅޭ ވީޑިއޯއެއް ކަމަށެވެ. އަދި އެ ވާހަކަ ގެނެސްދީފައި އޮތް އާޓިކަލެއްގެ ލިންކުވެސް މިނިސްޓަރު ހިއްސާކުރެއްވި އެވެ.
Social media gai raajjeygai bidheysee anhenaku rapekoh maraalaafaivaa kamah bune video akah havaalaadhee dhekvey vaahaka akee May 2021 vana aharu Bangladesh ge noohehgai reportkohffaivaa haadisaa akai gulhey video eh kamah dhannavan.https://t.co/THSXD5euUa
— Minister of Homeland Security & Technology (@min_mohst) December 23, 2024
ފުލުހުން ވެސް ބުނެފައި ވަނީ އެފަދަ ކަމެއް ހިނގާފައި ނުވާ ކަމަށެވެ.