މި އަހަރުގެ ކުރީކޮޅު ބޮޑެތި ބަދަލުތަކަކާ އެކު މަރާމާތު ކުރަން ފެށި މާލޭގެ ރަސްމީ ފާލަމުގެ މަސައްކަތް ކުރިއަށް އޮތް މަހެއްހާ ދުވަހުގެ ތެރޭގައި ނިންމައިލެވޭނެ ކަމަށް ކޮންސްޓްރަކްޝަން މިނިސްޓަރު ޑރ. އަބްދުﷲ މުއްތަބިލް ވިދާޅުވެއްޖެ އެވެ.
މާލޭގެ މޫނުމަތީގައި އޮތް ރަސްމީ ފާލަން އެމްޓީސީސީއާ ހަވާލުކޮށްގެން މަރާމާތު ކުރަން ފެށީ މެއި މަހުގެ ތެރޭގަ އެވެ.
އެ މަސައްކަތް ކުރިއަށްދާ ގޮތަށް މިނިސްޓަރު އިއްޔެ ބައްލަވާލެއްވުމަށް މީޑިއާތަކާ ވާހަކަ ދައްކަވަމުން ވިދާޅުވީ މަސައްކަތް މިހާރު ވަރަށް ބާރަށް ކުރިއަށްދާތީ އަމާޒަކީ މި މަހުގެ 21 ގައި ފާލަން އަލުން ހުޅުވައިލުން ކަމަށެވެ.
"މިއީ މާލޭގެ މަލަމަތިކަމަށްވެފައި، ފާލަން އެގޮތަށް ބަންދުކޮށްފައި ބޭއްވުމަކީ މިތަނަށް އަރަފައިބާ މީހުންނަށް ވެސް ފާހަގަކުރެވޭ ކަމަކަށްވެ މާލޭގެ ރީތިކަން ގެއްލިގެންދާނެ ފަދަ ކަމެއްކަމުން ސަރުކާރުން ވަރަށް ބޮޑަށް ބަރުއަޅައިގެން މަސައްކަތް ބާރަށް ކުރިއަށް އެބަދޭ،" މުއްތަލިބް ވިދާޅުވި އެވެ. "އުއްމީދު ކުރަނީ މަހެއްހާ ދުވަހުގެ ތެރޭގައި މިމަސައްކަތް ނިންމާ ފާލަން ހުޅުވާލެވޭނެ ކަމަށް."
އެމްޓީސީސީގެ މެނޭޖިން ޑިރެކްޓަރު ރިޓަޔާޑް ޑީސީޕީ އަޙްމަދު ސަޢުދީ ވިދާޅުވީ ފާލަމުގެ މަސައްކަތް އަވަސްކުރަން ވަރަށް ބޮޑު އިސްކަމެއް ދެމުން އަންނަ ކަމަށެވެ.
Minister Dr. Abdulla Muththalib conducted a site visit to the Izzudheen Jetty (Presidential Jetty) today to observe the upgrading works carried out by @MTCCPlc , where the latest developments of the project were reviewed.
During today’s site visit, Minister was joined by the… pic.twitter.com/8Bjxrgd10h
— Ministry of Construction, Housing & Infrastructure (@MoCImv) December 31, 2024
"ޕްރޮޖެކްޓް އަވަސްކުރުމަށް އަޅުގަނޑުވެސް ބައެއް އެޑްމިނިސްޓްރޭޓިވް ކުދިކުދި ބަދަލު ގެނެސް. ޕްރޮޖެކްޓް މެނޭޖަރު ވެސް ވަކިކޮށް އެހެން މެނޭޖަރެއް ޢައްޔަންކޮށް، މެޓީރިއަލް ލިބުމުގައި ހުރި ދަތިތައް އަވަސްކުރުވާފައި،" އޭނަ ވިދާޅުވި އެވެ. "އަދި ހަމައެއާއެކު ބައެއް މެޓީރިއަލް ސަޕްލައިކުރުރުމަށް ސޯސްކޮށްފައި ހުރި ބައެއް ބޭރުގެ ކުންފުނިތަކުން ވެސް އެއްބަސްވެފައިވާ ގޮތަށް ޑެލިވަރ ނުކުރީމަ އެ ކުންފުނިތައް ވާނީ ބްލެކް ލިސްޓްކުރެވިފައި."
ސައުދީ ވިދާޅުވި ގޮތުގައި ފާލަމުގެ ހުރިހާ މަސައްކަތްތަކެއްކޮށް މި މަހުގެ ނިޔަލަށް ނިންމައިލަން އަންނަނީ މަސައްކަތް ކުރަމުންނެވެ.
ރިޔާ ދޯންޏެއް ސިފަކޮށްދޭ ގޮތަށް އިއްޒުއްދީން ފާލަން ބަދަލުކުރީ ރާއްޖޭގެ މިނިވަންކަމުގެ ރަން ޔޫބީލް 2015 ގައި ފާހަގަކުރުމާ ދިނާކޮށެވެ. އޭރުގެ އެ ޑިޒައިނަކީ އޭރުގެ ޗީފް އޮފް ޑިފެންސް ފޯސް މޭޖާ ޖެނެރަލް އަހުމަދު ޝިޔާމްގެ ޑިޒައިނަަކަށް އެމްޓީސީސީން ކުރިއަށް ގއންދިޔަ މަސައްކަތެކެވެ.
މި ފާލަމުގެ ބޮޑު މަރާމާތެއް އެންމެ ފަހުން ކުރީ 2017 ގަ އެވެ.