ރައީސް އަބްދުﷲ ޔާމީންގެ ސަރުކާރު އޮތީ ނޭވާ ހޮޅިއަށް އެޅިފައި ކަމަށް ކުރީގެ ނައިބު ރައީސް ޑރ. މުހައްމަދު ޖަމީލް ވިދާޅުވެއްޖެ އެވެ.
ޑރ. ޖަމީލު ކުރެއްވި ޓްވީޓެއްގައި މިހެން ވިދާޅުވެފައި ވަނީ 45 މެންބަރުންގެ ސޮޔާއި އެކު ރައްޔިތުންގެ މަޖިލީހުގެ ރައީސް އަބްދުﷲ މަސީހުގެ އިތުބާރު ނެތްކަމުގެ މައްސަލަ މަޖިލީހަށް ވެއްދުމާއި ގުޅިގެން ކުރެއްވި ޓްވީޓެއްގައެވެ.
Miadhu miee rayyithunnah libunu nasreh. Opposition othee ekuveri kamaai eku mikan ninman azumugai. Sarukaaru othee neyvaa holhiah elhifai.
— Mohamed Jameel Ahmed (@MJameelAhmed) July 3, 2017
މަސީހު އާއި ދެކޮޅަށް މައްސަލަ މަޖިލީހަށް ވެއްދުމުން އެކަން ޑރ. ޖަމީލު ސިފަކުރައްވާފައި ވަނީ، "ރައްޔިތުންނަށް ލިބުނު ނަސްރެއް" ގެ ގޮތުގައެވެ.
ޑރ. ޖަމީލު ވިދާޅުވެފައި ވަނީ އިދިކޮޅު ފަރާތްތަކުން ތިއްބެވީ އެކުވެރިކަމާއި އެކު މިކަން ނިންމަން (ސަރުކާރު ބަދަލުކުރަން) އަޒުމުގައި ކަމަށެވެ.