ރައްޔިތުންގެ މަޖިލީހުގެ މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ(އިންތި) ގެ ޕާސްޕޯޓް ހިފަހައްޓައިފި އެވެ.
އިންތި މިއަދު ކުރެއްވި ޓުވީޓެއްގައި ވިދާޅުވެފައިވަނީ އޭނާގެ ޕާސްޕޯޓު ކޯޓު އަމުރެއްގެ ދަށުން ހިފަހައްޓާފައިވާ ކަމަށާއި، ހިފަހެއްޓި ސަބަބަކީ އިންޓެލިޖެންސް ރިޕޯޓަކުން ލިބުނު އިންޓެލިޖެންސެއްގެ ސަބަބުން ކަމަށް އަންގާފައިވާ ކަމަށެވެ.
My passport held under a court order citing intelligence report. Achaa miyoh intelligence eh! pic.twitter.com/NWKFVQzu4h
— 𝐈𝐦𝐭𝐡𝐢𝐲𝐚𝐳 𝐅𝐚𝐡𝐦𝐲 (@Imthiyazfahmy) March 24, 2018
އިންތިގެ ޕާސްޕޯޓު ހިފަހައްޓާފައިވަނީ ކުއްލި ނުރައްކަލުގެ ހާލަތު އިއުލާން ކޮށްފައިވަނިކޮށް 16 މާޗު 2018 ވީ ހުކުރު ދުވަހު ހުރިހާ ރަށަކުން މަގުތަކަށް މީހުން ނިކުތުމަށާއި ސަރުކާރާ ދެކޮޅަށް އަޑު އުފުލައި މުޒާހަރާ ކުރުމަށް ހިތްވަރުދިން ކަމުގެ ތުހުމަތުގައެވެ.
މިކަމާ ގުޅިގެން އިންތި ވަނީ ފުލުހަށް ހާޒިރުކޮށް ސުވާލުކޮށް ބަޔާންވެސް ނަގާފައެވެ. ކޯޓު އަމުރުގައި ވަނީ އޭގެ ސަބަބުން ރާއްޖެ ދޫކޮށް ދާން އުޅޭ ކަމަށް އިންޓެލިޖެންސް މައުލޫމާތެއް ލިބިފައިވާ ކަމަށެވެ.