ހައްޔަރުކޮށްފައިވާ އެމްޑީޕީގެ ޕާލަމެންޓްރީ ގްރޫޕުގެ ލީޑަރ، އިބްރާހިމް މުހައްމަދު ސޯލިހް ފުލުހުންގެ ބަންދުން މިނިވަންކޮށްފިއެވެ.
އިބޫ މިނިވަން ވެފައިވާ ކަން އެމްޑީޕީ އިން ވެސް ވަނީ ޓުވިޓާ މެދުވެރިކޮށް ކަށަވަރު ކޮށްދީފައެވެ.
MDP Parliamentary Group ge Leader @ibusolih Fuluhunge bandhun dhookohlaifi pic.twitter.com/iEshR5Hkqa
— MDP Secretariat (@MDPSecretariat) March 28, 2018
އިބޫ މިނިވަން ކޮށްފައިވަނީ މިމަހުގެ 16 ވަނަ ދުވަހުގެރޭ ކުރި މުޒާހަރާ ތެރެއިން ހައްޔަރުކުރުމަށް ފަހު ބަންދާ މެދު ގޮތެއް ނިންމަން ކޯޓަށް ގެނައުމުން 9 ދުވަހު ބަންދުގައި ބަހައްޓަން ކޯޓުން މުއްދަތު އިތުރުކޮށްފައި ވަނިކޮށެވެ.
ފުލުހުންގެ މަސައްކަތަށް ހުރަސް އެޅި ކަމަށް ބުނެ ޕީޖީ އޮފީހުން ވަނީ އިބޫގެ މައްޗަށް ދައުވާ ކުރަން ފޮނުވާފައެވެ. ފުލުހުން ތުހުމަތު ކުރާ ގޮތުގައި އިބޫ ވަނީ މާޗު 16 ވީ ހުކުރު ދުވަހުގެ ރޭ އިދިކޮޅު ފަރާތްތަކުން ކުރި މުޒާހަރާގައި، އިސްވެ ހުންނަވައި ޖުމުހޫރީ މައިދާނަށް ވަންނަން މަސައްކަތް ކޮށްފައެވެ.
އަދި އާންމު ރައްޔިތުންނާއި ބައިވެރިވެގެން، މަސްލަހަތު ނަގާލައި ހަމަނުޖެހުން އުފެއްދުމަށް މަސައްކަތް ކުރި ކަމަށް ފުލުހުން ވަނީ އޭނާގެ މައްޗަށް ތުހުމަތުކޮށްފައެވެ.