ހައްޔަރުކޮށްފައިވާ ގައިދީންގެ ތެރެއިން މޯލްޑިވްސް ކަރެކްޝަނަލް ސާވިސްގެ ބެލުމުގެ ދަށުގައި ތިބޭ ގައިދީންނާއި އާއިލާތަކާއި ބައްދަލު ކުރެވޭ އުސޫލު މަހަކު އެއް ފަހަރަށް ބަދަލުކޮށްފިއެވެ.
ހައްޔަރުކޮށްފައިވާ ރައީސް މައުމޫންގެ ދަނބި ދަރިކަލުން މުހައްމަދު ނަދީމްގެ އަނބިކަބަލުން ޔުމްނާ މައުމޫން މިރޭ ކުރެއްވި ޓްވީޓެއްގައި ވިދާޅުވީ މިއަދުން ފެށިގެން ފިރިކަލުން ނަދީމް އާއި ބައްދަލު ކުރެވޭނީ މަހަކު އެއްފަހަރު ކަމަށް ކަރެކްޝަނުން އަންގާފައިވާ ކަމަށެވެ.
Been informed by @Corrections_Mv today that family will only be able to visit @MNadhym once a month from now. So I will not be able to see him till May. We were so looking forward to seeing him. What do I tell my daughter?? 1/2 @hrcmv @UNHumanRights @Amnesty pic.twitter.com/cimcUrrwMK
— Yumna Maumoon (@yumna_maumoon) April 8, 2018
ގައިދީންގެ އާއިލާތަކަށް މިގޮތަށް ކަރެކްޝަނުން އަންގާފައިވާ އިރު މީގެ ކުރިން ހަފްތާއަކު އެއްފަހަރު ގައިދީންނާއި އާއިލާތަކާއި ބައްދަލު ކުރެވެއެވެ.
ކަރެކްޝަންސްގެ އުސޫލަށް ބަދަލު ގެނައިރު ތަފާތު އެކި ތުހުމަތުތަކުގައި ކުރީގެ ރައީސް މައުމޫން އަބްދުލް ގައްޔޫމް އާއި އުއްތަމަ ފަނޑިޔާރު އަބްދުﷲ ސައީދު އާއި ފަނޑިޔާރު އަލީ ހަމީދުގެ އިތުރުން ރައްޔިތުންގެ މަޖިލީހުގެ މެމްބަރުންނާއި ކުރީގެ ސީޕީ އަހުމަދު އަރީފް ތިއްބެވީ ހައްޔުރުކޮށްފައެވެ.