ޔޫރަޕިއަން ޔުނިއަން (އީޔޫ)އިން ދިވެހި ސަރުކާރަށް ހުށަހެޅި 22 ކަމެއްގެ ތެރެއިން ދިވެހިންނަށް ބަލައި ނުގަނެވޭނީ ދިނީ މިނިވަންކަމަށް ބުނެފައިވާ ކަން އެކަނިކަމަށް ކުރީގެ ރައިސް މުހައްމަދު ނަޝީދު ވިދާޅުވި ވިދާޅުވުމަކީ އެމަނިކުފާންގެ ލާދީނީ ކަން އިތުރަށް ދިވެހި ރައްޔިތުންނަށް ހާމަވެގެން ދިޔަ ކަމެއްކަމަށް ޕީޕީއެމްގެ ނައިބް ލީޑަރ އަބްދުﷲ އަބްދުއް ރަހީމް (އަދުރޭ) ވިދާޅުވެއްޖެއެވެ.
އަދުރޭ ކުރެއްވި ޓްވީޓެއްގައި ވިދާޅުވީ އީޔޫގެ ހުށަހެޅުމުގައި ހުރި ދީނާއި ހިލާފު ކަންކަމަށް ނަޝީދު ތާއިދު ކުރެއްވުމަކީ އޭނާގެ ލާދީނީކަން ދިވެހި ރައްޔިތުންނަށް އިތުރަށް ހާމަވެގެން ދާކަމެއް ކަމަށާއި، މިއީ ދިވެހި ރައްޔިތުން ވަރަށް ބޮޑަށް ވިސްނާ ސަމާލުވާން ޖެހޭ ކަމެއްކަމަށެވެ.
EU ge hushahelhumugai huri dheenaa kh’ilaaf kankamah RN thaa’eedhu kurumakee eynaage laadheenee kan Dhivehi Rayyithun nah ithurah haama vegen dhiya kameh. Adhi mi’ee Dhivehi Rayyithun varah bodah visnaa samaalu vaan jehey kameh #Dhivehinge Dheenakee Islam dheen.
— Abdul Raheem Abdulla (@Banafsaa) April 19, 2018
އަދުރޭ މިފަދައިން ޓްވީޓު ކުރެއްވި އިރު ނަޝީދު ރޭ ވިދާޅުވީ އަށް ދާއިރާއަކުން 22 ކަމެއް އީޔޫ އިން ހުށަހަޅާފައިވާއިރު، ދިވެހިންނަށް ބަލައިނުގަނެވޭނީ އެންމެ ކަމެއް ކަމަށެވެ. އެއީ، ގާނޫނުއަސާސީއަށް ގެނައުމަށް ބުނާ ދީނުގެ މިނިވަންކަމުގެ ބަދަލު ކަމަށް ވެސް އެމަނިކުފާނު ވިދާޅުވި އެވެ.
EU in vanee 8 dhaairaa akun 22 kameh hushahalhaafa. Meege therein Dhivehinnah balai nuganeveynee enme kameh. E ee Qaanoon Asaasee ah genumah bunaa, dheenuge minivan kamuge badhal. Ehen hurihaa kamakee Dhivehin inthihaa ah edhey kankan. EU ge bayaanah marhabaa
— Mohamed Nasheed (@MohamedNasheed) April 19, 2018
ސަރުކާރުން އީޔޫގެ ހުށަހެޅުން ސިފަ ކުރަނީ ރައީސް ނަޝީދާއި އިދިކޮޅު ފަރާތްތަކުން އަޑީގައި އޮވެގެން ހުށަހެޅި ހުށަހެޅުމަށް ގޮތަށެވެ.