ދިވެހި ރައްޔިތުން ރައީސް އަބްދުﷲ ޔާމީންއާ ވެރިކަން ހަވާލުކުރީ ޤާނޫނު އަސާސީ އާއި އެއްގޮތަށް ވެރިކަން ކުރަން ކަމަށާއި، ނަމަވެސް ރައީސް ޔާމީން ވަނީ ޤާނޫނު އަސާސީގެ އިމުން ބޭރުވެފައި ކަމަށާއި އަދި އެމަނިކުފާނު އަލުން ޤާނޫނު އަސާސީގެ އިމުގެ ތެރެއަށް ވެއްދޭނީ އެމަނިކުފާނާއި ވެރިކަން ހަވާލުކުރި ރައްޔިތުންނަށް ކަމަށް ޖުމްހޫރީ ޕާޓީގެ ނައިބު ލީޑަރު އަމީން އިބްރާހީމް ވިދާޅުވެއްޖެ އެވެ.
އަމީން މިހެން ވިދާޅުވެފައި ވަނީ މިއަދު ކުރެއްވި ޓްވީޓްތަކެއްގަ އެވެ.
Rayyithun YAGah verikan havālkury QA ā eggothah verikan kuran vaudhuvumun. QA ge imun beyrun verikan kuran feshumun QA lazimkoh baaru dhēfaivā aneh 2 bārun QA ge imuge therah Y vehdhumah kuri masaikaiy fundālafa e 2 bāru QA ā khilāfah sifainge madhu baegge ehyga nethikohlaifi.1/2
— Ameen Ibrahim (@ameenmaldives) April 25, 2018
އޭގެ ތެރެއިން ފުރަތަމަ އަށް ކުރެއްވި ޓްވީޓްގައި އަމީން ވިދާޅުވީ ރައްޔިތުން ރައީސް ޔާމީންއާ ވެރިކަން ހަވާލުކުރީ ޤާނޫނު އަސާސީ އާއި އެއްގޮތަށް ވެރިކަން ކުރަން ވައުދުވުމުން ކަމަށެވެ.
އަދި ޤާނޫނު އަސާސީގެ އިމުން ބޭރުން ވެރިކަން ކުރަން ފެށުމުން ޤާނޫނު އަސާސީން ލާޒިމްކޮށް ބާރުދީފައިވާ އަނެއް ދެ ބާރުން ރައީސް ޔާމީން ޤާނޫނު އަސާސީގެ ތެރެއަށް ވެއްދުމަށް ކުރި މަސައްކަތް ފުނޑާލާފައި އެ ދެ ބާރު ޤާނޫނު އަސާސީ އާއި ޚިލާފަށް ސިފައިންގެ މަދު ބައެއްގެ އެހީގައި ނެތިކޮށްލައިފި ކަމަށް ވެސް އަމީންގެ ޓްވީޓްގައި ވިދާޅުވެފައި ވެއެވެ.
Mi hālathuga QAge imuge thereah Y vehdheyny Y ā verikan havālukuri dhaulathuge verin kamugaivā Rayyithunah. Miee 24 gadi iru ihuthijājukoh basneyhumakah gosgen namaves QAge imah Y vahdhan jehey vaguthu. Candidatahvure qaumahtakai iskuran jeheny YAG kibain gaumu salāmaiykurun.2/2
— Ameen Ibrahim (@ameenmaldives) April 25, 2018
މީގެ އިތުރުން އަމީން ކުރެއްވި ދެވަނަ ޓްވީޓްގައި ވިދާޅުވެފައި ވަނީ މި ޙާލަތުގައި ޤާނޫނު އަސާސީގެ އިމުގެ ތެރެއަށް ރައީސް ޔާމީން ވެއްދޭނީ އެމަނިކުފާނާއި ވެރިކަން ހަވާލުކުރި ދައުލަތުގެ ވެރިން ކަމުގައިވާ ރައްޔިތުންނަށް ކަމަށެވެ.
މީގެ އިތުރުން އަމީން ވިދާޅުވީ މިއީ 24 ގަޑިއިރު އިހުތިޖާޖުކޮށް ބަސްނޭހުމަކަށް ގޮސްގެން ނަމަވެސް ޤާނޫނު އަސާސީގެ އިމަށް ރައީސް ޔާމީން ވައްދަން ޖެހޭ ވަގުތު ކަމަށާއި، ކެންޑިޑޭޓަށްވުރެ އިސްކުރަން ޖެހެނީ ރައީސް އަބްދުﷲ ޔާމީން އަބްދުލްޤައްޔޫމްގެ ކިބައިން ޤައުމު ސަލާމަތްކުރަން ކަމަށެވެ.
އަމީން އަކީ 2015 ވަނަ އަހަރުގެ މެއި މަހުގެ އެއްވަނަ ދުވަހު ސަރުކާރާ ދެކޮޅަށް އިދިކޮޅު ފަރާތްތަކުން ކުރި މުޒާހަރާއާއި ގުޅިގެން ޓެރަރިޒަމްގެ ދައުވާ އުފުލާފައިވާ ބޭފުޅެކެވެ. އެއަށްފަހު އަމީން ދިރިއުޅުއްވަމުން ގެންދަވަނީ އަމިއްލައަށް އަރުވާލެއްވިގެން އިނގިރޭސިވިލާތުގައެވެ.