އެންޓި ޑިފެކްޝަން ގާނޫނު ބާޠިލު ކުރަންޖެހޭ ސަބަބެއް ނެތްކަމަށް ސުޕުރީމް ކޯޓުން ކުރި އަމުރުން 12 މެމްބަރުންގެ ގޮޑި ނުގެއްލޭކަން ސާފުވާކަމަށް ޖުމްހުރީ ޕާޓީގެ ލީޑަރ ގާސިމް އިބްރާހިމް ވިދާޅުވެއްޖެއެވެ.
ގާސިމް ކުރެއްވި ޓްވީޓެއްގައި ވިދާޅުވީ އެންޓި-ޑިފެކްޝަން ގާނޫނާ ގުޅޭ ގޮތުން ސުޕްރީމް ކޯޓުން ނިންމި ނިންމުމުން އެނގެނީ 12 މެންބަރުންގެ ތެރެއިން އެއްވެސް މެންބަރެއްގެ ގޮނޑި ނުގެއްލޭކަން ކަމަށެވެ. ޕީޕީއެމުން ވަކިވި މެންބަރުން އެ ޕާޓީން ވަކިވުމުގެ އިޖުރާތުތައް ހިންގާފައިވަނީ 13 ޖުލައި ގެ ކުރިން ކަން އެނގޭތީ މެންބަރުންގެ ގޮނޑިއާ ގުޅޭގޮތުން ސުވާލު ނު އުފެދޭ ކަމަށެވެ.
Anti defection Qaanoon aa gulhey gothun SC in ninmi ninmevumun ves saafukoh egunee 12 Memberunge therein evves memberegge gondi nugelleykameve . 12 memberun PPM in vakivumuge ijuraa athu thah hingaafai vanee 13 July 2017 ge kurinkan saafukoh igeythee .
— Qasim Ibrahim (@qasimibrahim) April 30, 2018
އެންޓި ޑިފެކްޝަން ބިލް ބާޠިލް ނޫންކަމަށް ސުޕުރީމް ކޯޓުން ނިންމުމާއި ގުޅިގެން 12 މެމްބަރުންގެ ގޮޑި ގެއްލިފައިވާ ކަމަށް އިލެކްޝަން ކަމިޝަނުން ނިންމައި، ބައިއިލެކްޝަން ބޭއްވުމަށް 14 މިލިއަން ރުފިޔާގެ ބަޖެޓެއް ހޯދުމަށް ފިނޭންސް މިނިސްޓްރީއަށް ވަނީ ސިޓީ ފޮނުވާފައެވެ.
އިލެކްޝަނުން މިގޮތަށް އެދުނު އިރު 12 މެމްބަރުންގެ ގޮޑި އާއި މެދު ގޮތެއް ނިންމުމަށް އެމެމްބަރުން ސުޕުރީމް ކޯޓަށް ހުށަހެޅި މައްސަލާގައި ގޮތެއް އަދި ވަނީ ގޮތެއް ނުނިންމައެވެ.