ދިވެހިރާއްޖޭގައި ކޮރަޕްޝަންގެ ޢަމަލުތައް ހުއްޓުވުމަށްޓަކައި ވޯޓް ދިނުން އެންމެ ހައްޤީ ރައީސް އަބްދުﷲ ޔާމީނަށް ކަމަށް ރައްޔިތުންގެ މަޖިލީހުގެ ވިލިމާލޭ ދާއިރާގެ މެމްބަރު އަދި ވެރިކަންކުރާ ޕީޕީއެމްގެ ޕީޖީ ލީޑަރު އަހުމަދު ނިހާން ހުސެއިން މަނިކު ވިދާޅުވެއްޖެއެވެ.
މެލޭޝިއާގައި ބޭއްވި އިންތިޚާބަށް އަލިއަޅުއްވާލައްވަމުން ނިހާން މިއަދު ކުރެއްވި ޓްވީޓެއްގައި ވިދާޅުވެފައި ވަނީ ކޮރަޕްޝަނާއި ދެކޮޅަށް މެލޭޝިއާގެ ރައްޔިތުން ވޯޓް ދިނުމަކީ ވަރަށް އުފާވެރި ޚަބަރެއް ކަމަށެވެ.
Malaysia Raiyyithun Corruption aai dhekolhah vote Dhinun eiee Varah Ufaaveri Khabareh. Kuriah oiy Riyasee Inthikhaabuga #RY2018 ah dhevana dhaurakah Vote dheyn vee eh sababakee ves eie, ehenee, Corrupt Konmme meehaku RY verikamuga Shareeaiy koh Jaluga golhiah fonuvifa vaathy.
— Ahmed Nihan (@ahmed_nihan) May 10, 2018
އަދި ކުރިއަށް އޮތް ރިޔާސީ އިންތިޚާބުގައި ދެވަނަ ދައުރަކަށް ރައީސް އަބްދުﷲ ޔާމީން އަށް ވޯޓްދޭންވީ ސަބަބަކީ ވެސް އެއީ ކަމަށެވެ.
"އެހެނީ ކޮރަޕްޓް ކޮންމެ މީހަކު ރައީސް ޔާމީންގެ ވެރިކަމުގަ ޝަރީޢަތް ކޮށް ޖަލުގެ ގޮޅިއަށް ފޮނުވިފަ ވާތީ"، ނިހާން ކުރެއްވި ޓްވީޓްގައި ވިދާޅުވެފައިވެއެވެ.
ނިހާން ކުރެއްވި އެހެން ޓްވީޓެއްގައި ވިދާޅުވެފައި ވަނީ މެލޭޝިއާގައި އިއްޔެ ބޭއްވީ ބަރުލަމާނީ އިންތިޚާބެއް ކަމަށާއި، އެހެންނަމަވެސް ރާއްޖޭގައި މި އަހަރު އޮންނާނީ ރިޔާސީ އިންތިޚާބެއް ކަމަށެވެ. އަދި ވަކިވަކި މަޖިލިސް ގޮނޑިތަކުގެ އިންތިޚާބާ ރިޔާސީ އިންތިޚާބު ތަފާތުވާނެ ކަމަށްވެސް ނިހާން ވިދާޅުވި އެވެ.
Malaysia gai iyye beyvee Barulamaanee Inthikhaabeh ge vote negun, Raajjeygai mi aharu onnaanee Riyaasee Inthikhaabeh. Vaki vaki Majlis gondithakuge inthikhaabaa Riyasee Candidate inthikhaabu thafaathuvaane. #RaeesYameen2018
— Ahmed Nihan (@ahmed_nihan) May 10, 2018
މެލޭޝިއާގެ އިންތިޚާބުގައި ބޮޑުވަޒީރު ނަޖީބު ރައްޒާގު ބަލިކޮށް ކުރީގެ ބޮޑުވަޒީރު މަހާތިރު މުހައްމަދު އިންތިޚާބު ކާމިޔާބު ކުރައްވާފައިވާއިރު، މިއަދުގެ ވަގުތެއްގައި މަހާތީރު ބޮޑުވަޒީރު ކަމުގެ ހުވައި ކުރައްވާނެއެވެ.
މިއީ ފާއިތުވި 61 އަހަރުގެ ތެރޭގައި ބީއެން ޕާޓީ އިންތިޚާބަކުން ބަލިވި ފުރަތަމަ ފަހަރެވެ.