ސަރުކާރުން ވައްޓާލަން އުޅުނުކަމުގެ ތުހުމަތު ކުރެވިފައިވާ ކުރީގެ ރައީސް މައުމޫން އަބްދުލް ގައްޔޫމްގެ ދަރިކަނބަލުން ޔުމްނާ މައުމޫންގެ ޕާސްޕޯޓު ހިފަހައްޓައިފިއެވެ.
ޔުމްނާގެ ޕާސްޕޯޓު ހިފެހެއްޓިކަން ފުލުހުން ޔުމްނާއަށް އަންގާފައިވަނީ މިއަދުއެވެ. އަދި ޕާސްޕޯޓް ހިފެހެއްޓި ސަބަބެއް ފުލުހުން ހާމަކޮށްފައި ނުވެއެވެ.
ޔުމްނާގެ ޕާސްޕޯޓު ހިފެހެއްޓިއިރު ދެ ފަހަރެއްގެ މަތިން ބަޔާން ނެގުމަށް ޔުމްނާ ވަނީ ފުލުސް އޮފީހަށް ހާޒިރުކޮށްފައެވެ.
ޔުމްނާގެ މައްސަލައެއް ފުލުހުން ތަހްގީގު ކުރަމުން އަންނައިރު ޔުމްނާގެ ފިރިކަލުން މުހައްމަދު ނަދީމް އާއި ބައްޕާފުޅު މައުމޫން އަދި ކޮއްކޯފުޅު އަހުމަދު ފާރިސްވަނީ ކުއްލި ނުރައްކަލުގެ ދަށުން ހައްޔަރުކޮށްފައެވެ.
ނަދީމާއި މައުމޫން އަދި ފާރިސްގެ މައްޗަށްވެސް ސަރުކާރު ވައްޓާލަން އުޅުނު މައްސަލާގައި ޓެރަރިޒަމް ދައުވާ ވަނީ އުފުލާފައެވެ.