ޖުޑީޝަލް ސަވިސް ކޮމިޝަން (ޖޭއެސްސީ) ގެ މެންބަރު ކަމަށް ބަންޑާރަ ނައިބު ޢާއިޝަތު ބިސާމް، ރައީސުލްޖުމްހޫރިއްޔާ މިއަދު ހަމަޖައްސަވައިފިއެވެ.
ޖޭއެސްސީގެ މެންބަރު ކަމަށް ބިސާމް ހަމަޖެއްސެވި ކަމުގެ ލިޔުން، އެކަމަނާ އާ ރައީސުލްޖުމްހޫރިއްޔާ ޙަވާލު ކުރެއްވީ، މިކަމަށްޓަކައި މިއަދު މެންދުރުފަހު ރައީސް އޮފީހުގައި ބޭއްވެވި ރަސްމިއްޔާތެއްގައެވެ.
މި ރަސްމިއްޔާތުގެ ކުރިން، ސުޕްރީމް ކޯޓުގެ ފަނޑިޔާރު ޢަބްދުﷲ ޢަރީފްގެ ކުރިމަތީގައި، ޖޭއެސްސީގެ މެންބަރު ކަމުގެ ހުވާ، ބިސާމް ކުރެއްވި އެވެ.