ކުރީގެ ރައިސް މުހައްމަދު ނަޝީދު މިއަދު ފޭސްބުކް ލައިވް މެދުވެރިކޮށް އާއްމުންނާއި ބައްދަލު ކުރާނެކަމަށް ވިދާޅުވެއްޖެއެވެ.
ނަޝީދު ޓްވިޓަރ މެދުވެރިކޮށް ވިދާޅުވީ މިއަދު ހަވީރު ރާއްޖެ ގަޑިން 4:30ގައި ފޭސްބުކް ލައިވްކޮށް ދިވެހިންނާއި ބައްދަލު ކުރާނެކަމަށެވެ.
I will be live on Facebook at 4:30pm Maldives’ time. Please join me.
— Mohamed Nasheed (@MohamedNasheed) May 26, 2018
ރޭވެސް ނަޝީދުވަނީ ފޭސްބުކް ލައިވް މެދުވެރިކޮށް ރައްޔިތުންނާއި ބައްދަލުކޮށްފައެވެ.
ކްރިމިނަލް ކޯޓުގެ ކުރީގެ އިސްގާޒީ އަބްދުﷲ މުހައްމަދު (އަބްދުﷲ ގާޒީ) ހައްޔަރު ކުރެއްވި މައްސަލާގައި ޓެރަރިޒަމް ކުށް ސާބިތުވެ 13 އަހަރަށް ޖަލަށް ހުކުމް ކުރައްވާފައިވާ އިރު އެމަނިކުފާން ބޭސްފަރުވާއަކަށް ރާއްޖޭން ބޭރަށް ވަޑައިގެންނެވި ގޮތަށް އުޅުއްވަނީ އިނގިރޭސިވިލާތާއި، އަވައްޓެރި ލަންކާގައެވެ.
Questions posed yesterday include youth empowerment, prison reform, tourism, guesthouses, taxation, free and fair elections, rising debt, decentralisation, judicial reform and foreign policy, which I will speak about today. 4:30pm Maldives time. https://t.co/GIxvX9K8TK
— Mohamed Nasheed (@MohamedNasheed) May 26, 2018
އަންނަ ސެޕްޓެމްބަރ މަހު ބާއްވާ ރިޔާސީ އިންތިހާބުގައި ވާދަކުރެއްވުމަށް ނަޝީދުވަނީ އެމްޑީޕީގެ ރިޔާސީ ޓިކެޓް ހޯއްދެވުމަށް ޕްރައިމަރީގައި ބައިވެރިވެ ކެމްޕެއިން ފައްޓަވާފައެވެ.
"ޖަޒީރާ ރައީސް"ގެ ނަމުގައި ނަޝީދު ކެމްޕެއިން ފައްޓަވާފައިވާ އިރު އެމަނިކުފާންގެ ސަޕޯޓަރުންނާއި ބައްދަލު ކުރައްވަނީ ސްކައިޕް މެދުވެރިކޮށެވެ. އަދި ރެއިން ފެށިގެން ފޭސްބުކް ލައިވްކޮށް އާއްމުންނާއި ބައްދަލުކުރައްވަން ނަޝީދު ވަނީ ފައްޓަވާފައެވެ.
ނަޝީދު ޕްރައިމަރީގައި ވާދަކުރާތީ އެކަން ހުއްޓުވުމަށް އިލެކްޝަނުން ވަނީ އެމްޑީޕީއަށް އަންގާފައެވެ. އަދި އެގޮތަށް އަމަލް ނުކޮށްފިނަމަ ޕާޓީ އުވާލަން ޖެހިދާނެކަމަށް އިލެކްޝަނުން ވަނީ ބުނެފައެވެ.