މިޓްސުބުޝީ ގޯދިއްޔާ ފުޓްސަލް ކަޕް 2018ގައި ރޭ ތްރީ ސްޓޯން ކޮޅަށް ޔުނައިޓެޑް ފްރެންޑްސް އިން 8 ލަނޑު ޖަހައިފިއެވެ.
މަރަދޫ ވެންބޮޅޮފިށި ސްޓޭޑިއަމްގައި ކުޅުނު މިމެޗް ޔުނައިޓެޑް ފްރެންޑްސް އިން ކާމިޔާބު ކުރީ 1-8 އިންނެވެ.
ރޭގެ މެޗްގައި ޔުނައިޓެޑް ފްރެންޑްސްގެ އަހްމަދް މުއާޒް ހެޓްރިކް ހެދިއިރު އެޓީމުގެ ލިރުއާމް އާއި ހުސައިން ޝާމިން ކޮންމެ ކުޅުންތެރިޔަކު 2 ލަނޑު ޖެހިއެވެ. އެ ޓީމުން ދެން ލަނޑު ޖެހީ އަހްމަދް އިބްރާހިމެވެ.
ތްރީ ސްޓޯންގެ ހަމައެކަނި ލަނޑު ކާމިޔާބުކޮށްދިނީ އިބްރާހިމް އާގިސެވެ.
މެޗްގެ މޮޅު ކުޅުންތެރިޔަކަށް ހޮވުނީ ޔުނައިޓެޑް ފްރެންޑްސްގެ މުއާޒެވެ.