ގެޓްސެޓް ލޯނު ޕްރޮގްރާމަށް އިކޮނޮމިކް މިނިސްޓްރީން ފުރުސަތު ހުޅުވާލައިިފި އެވެ.
އިކޮނޮމިކް މިނިސްޓްރީން ބުނީ ގެޓްސެޓް ލޯނަށް ކުރިމަތިލުމުގެ ފުރުސަތު މި މަހުގެ 24-28 އަށް ހުޅުވާލާފައިވާ ކަމަށެވެ.
މިކަމަށް އެދޭ ފޯމުގެ ސޮފްޓް ކޮޕީ އާއި ބިޒްނަސް ޕްލޭންގެ ފޯމެޓް މިނިސްޓްރީ އާއި އަތޮޅުގައި ހުންނަ މިނިސްޓްރީގެ ބިޒްނެސް ސެންޓަރުތަކުން ލިބޭނެ އެވެ.
ގެޓްސެޓް ލޯނު ދެނީ އުމުރުން 18-35 އަހަރާ ދެމެދުގެ ޒުވާނުންނަށެވެ.
ލޯނުގެ ގޮތުގައި ދެނީ 300،000ރ.-800،000ރ. އާ ދެމެދުގެ އަދަދެކެވެ.
އަދި ލޯނު ދެނީ 200 މިލިއަން ރުފިޔާގެ ބަޖެޓަކުންނެވެ. މި ލޯނު ދޫކުރަނީ ރަހުނެއް ނެތި އެވެ. ލޯނު ދައްކަން ޖެހެނީ ނުވަ އަހަރުންނެވެ. އަދި ގްރޭސް ޕީރިއަޑްގެ ގޮތުގައި 1 އަހަރު ލިބޭނެ އެވެ.
ގެޓްސެޓް ލޯނު މީގެ ކުރިން ތިން ފަހަރު ދޫކޮށްފައިވާ އިރު، އެންމެ ފަހުން ލޯން ދިނީ 37 މީހަކަށެވެ.