ޕީޕީއެމްގެ ޕާލިމެންޓްރީ ގްރޫޕް (ޕީޖީ)ގެ ލީޑަރު އަހުމަދު ނިހާން އިންޑިއާގެ ޗެންނާއީއަށް ވަޑައިގެންނެވުމުން އިންޑިއާއަށް އެތެރެވިޔަ ނުދީ އަނބުރާ ރާއްޖެ ފޮނުވާލައިފިއެވެ.
މައުލޫމާތު ލިބޭ ގޮތުގައި ނިހާން އިންޑިއާއަށް އެތެރެވުމަށް މަސައްކަތް ކުރެއްވީ އިއްޔެއެވެ. މި ހަބަރާ ގުޅޭ ގޮތުން ނޫސްވެރިން މައުލޫމާތު ސާފު ކުރުމަށް ގުޅާތީވެ އެކަމާބެހޭ ގޮތުން ނިހާން ކުރެއްވި ޓްވީޓެއްގައި އޭނާވަނީ އިންޑިއާއަށް އޭނާ ކުރެއްވީ އަމިއްލަ ދަތުރެއް ކަމަށް ބުނެފައެވެ.
India ge Chennai ah Alhugandu Iyye kuri Amilla dhathureh gai INDIA ah ethere nuvevunu massala noos verin olhun filuvunah SMS kurahvamun dhathee dhannavaalaan. Mirey 10:00 ah Hotel Jen ah Vadai gannavaa. Alhugandu Coffee aai eku Mauloomaathu thibeyfulhunnah aris kuraanan.
— Ahmed Nihan (@ahmed_nihan) June 5, 2018
އަދި އެދަތުރުގައި އިންޑިއާއަށް އެތެރެ ނުވެވި އަނބުރާ ރާއްޖެ ފޮނުއްވާފައިވާ ކަމުގެ މަޢުލޫމާތު ސާފު ކުރެއްވުމަށް މެސެޖް ކުރައްވަމުން ގެންދަވާ ނޫސްވެރިން މިރޭ 10 އެއް ޖަހާއިރު ހޮޓެލް ޖެންއަށް ދިއުމަށް އެދި ޓްވީޓެއް ކުރައްވާފައެވެ.
ނިހާނު އިންޑިޔާއަށް އެތެރެވުމުގެ ފުރުސަތު ލިބިފައިނުވާއިރު، އޭނާ އަކީ އިންޑިއާގެ ޖީއެމްއާރް ކުންފުނި ބޭރުކުރުމަށާއި، އިންޑިއާގެ ސިޔާސަތުތަކަށް ވަރަށް ބޮޑަށް ފާޑު ވިދާޅުވަމުން ގެންދަވާ ބޭފުޅެކެވެ.