އާޖެންޓީނާގެ ލިއޮނަލް މެސީ އާއި ޕޯޗުގަލްގެ ކްރިސްޓިއާނޯ ރޮނާލްޑޯގެ ސަޕޯޓަރުންގެ މެދުގައި އެ ދެކުޅުންތެރިންގެ ތެރެއިން އެންމެ މޮޅު ކުޅުންތެރިޔަކީ ކޮބައިކަން ކަނޑައެޅުމުގެ ބަހުސް ކުރިއަށްދާތާ އެތައް އަހަރެއް ވެއްޖެއެވެ. މެސީގެ ސަޕޯޓަރުންގެ ނަޒަރުގައި އެންމެ މޮޅީ މެސީއެވެ. ރޮނާލްޑޯގެ ސަޕޯޓަރުން ދެކޭ ގޮތުގައި ރޮނާލްޑޯ ވަރުގެ ކުޅުންތެރިޔަކު ނެތެވެ.
މިފަދަ ގޮތަކަށް ދެ ކުޅުންތެރިންގެ ސަޕޯޓަރުންގެ ދެކެމުން އަންނައިރު ރޮނާލްޑޯ އާއި މެސީ ކުރެން ކުޅުންތެރިޔަކަށް ދަށްކޮށް ކުޅެވޭ ކޮންމެ ފަހަރަކު ފާޑުކިޔުންތައް އަމާޒުވެއެވެ.
Messi about to be the first player to retire during the world cup
— Million Dollar Guy (@Sijistical) June 16, 2018
ފީފާ ވޯލްޑްކަޕްގައި ސްޕެއިން އާއި ދެކޮޅަށް ރޮނާލްޑޯ ހެޓްރިކް ހަދާފައި ވަނިކޮށް މިއަދު އާޖެންޓީނާ އާއި އައިސްލޭންޑް ބައްދަލުކުރި މެޗްގައި މެސީ އަތުން ޕެނަލްޓީ އެއް ނާކާމިޔާބު ވެފައެވެ.
މީގެ ކުރިން މެސީ އަތުން ޕެނަލްޓީއެއް ނާކާމިޔާބުވުމުން އާޖެންޓީނާގެ ޓީމުން ރިޓަޔަރ ކުރުމަށް ނިންމާފައިވާތީ ރޮނާލްޑޯގެ ސަޕޯޓަރުން މިވަނީ އެކަމާއި ގުޅުވައި މެސީ އާއި ދިމާކޮށްލާފައެވެ.
އެގޮތުން ރޮނާލްޑޯގެ ސަޕޯޓަރުން ދަނީ މިރޭ އައިސްލޭންޑް އަތުން މޮޅު ނުވެނީ މެސީއަށް ޕެނަލްޓީ ނާކާމިޔާބު ވުުމުން ކަމަށާއި އެހެންވެ މެސީ ރިޓަޔާ ކުރާނެތޯ ސުވާލުކުރަން ފަށާފައެވެ.
Is messi going to give up and cry.. and retire again? HAHAHA he's a quitter right? He doesn't even have a strong mentality unlike Ronaldo. Ronaldo can win trophies with 3 different teams, Man United, Real Madrid & Portugal. Can Messi perform without his Barca teammates? Lmaoooooo
— johnny (@ZamHairii) June 16, 2018
2017 ވަނަ އަހަރު ކޮޕާ އެމެރިކާގެ ފައިނަލްގައި ޕެނެލްޓީ ޖަހައިގެން ޗިލީ އަތުން ބަލިވި މެޗަށްފަހު މެސީ ގައުމީ ޓީމުން ރިޓަޔާ ކުރުމަށް ފަހު ބުނެފައި ވަނީ އެގޮތަށް ނިންމީ ޖެހިޖެހިގެން ބޮޑު ހަތަރު މުބާރާތުގެ ފައިނަލުގައި ނާކާމިޔާބުވުމުގެ ހިތްދަތި ކަމުގައި ކަމަށެވެ.
އެހެން ނަމަވެސް ފަހުން ވަނީ އެނބުރި ގައުމީ ޓީމާ ގުޅިފައެވެ.
ދުނިޔޭގެ އެންމެ މޮޅު ކުޅުންތެރިޔާގެ މަގާމު ފަސް ފަހަރު ހޯދާފައިވާ މެސީ ވަނީ ބާސެލޯނާ އާއި އެކު ގިނަ ކާމިޔާބީ ތަކެއް ހޯދާފައެވެ. އެހެން ނަމަވެސް އާޖެންޓީނާ އާއި އެކު މެސީ އަށް ތައްޓެއް ހޯދިފައެއް ނުވެއެވެ.