ކުރީގެ ނައިބް ރައީސް އަހުމަދު އަދީބަށް ސްޕެޝަލް ޕްރޮޓެކްޝަން ފޯރުކޮށްދެވެން ނެތްކަމަށް މޯލްޑިވްސް ކަރެކްޝަނަލް ސާވިސް އިން އާއިލާއަށް އަންގައިފިއެވެ.
މިމަހުގެ 11 ވަނަ ދުވަހު ކަރެކްޝަނަށް އަދީބުގެ އަނބިކަނބަލުން މަރްޔަމް ނަޝްވާ ފޮނުވި ސިޓީއަކާއި ގުޅިގެން ސްޕެޝަލް ޕްރޮޓެކްޝަން އަދީބަށް ހަމަޖައްސައިދެވެން ނެތްކަމަށް ކަރެކްޝަނުން ވަނީ އާއިލާއަށް އަންގާފައެވެ.
ކަރެކްޝަނުން އެގޮތަށް އަންގާފައިވާ ސިޓީ ނަޝްވާ ވަނީ އޭނާގެ ޓްވިޓާގައި އާންމުކޮށްފައެވެ.
Adeeb ah special protection hamajassavai dheven nei kamah MCS inn angaafi. Adeeb ah special protection hama jassavaidheven nethy keevegentho sitee gai kuri suvaalah javaabu nudhehvee keevengentho? Sitee gai bayaan kurevifaiva ehen gaidheenakee kon gaidheen’netho? @Corrections_Mv pic.twitter.com/jtU0cbSdi0
— Nash (@maryam_nashwa) June 18, 2018
ކަރެކްޝަނުން ނަޝްވާއަށް މިއަދު ފޮނުވާފައިވާ ސިޓީ އޭނާ ޓްވީޓާ މެދުވެރިކޮށް އާއްމުކޮށްފައިވާއިރު އެސިޓީގައި ބުނީ، އަދީބަކީ ސްޕެޝަލް ޕްރޮޓެކްޝަން ދޭންޖެހޭ ކަމަށް ކަނޑައަޅާފައިވާ ނުވާ ފަރާތަކަށްވާތީ އެފުރުސަތު ދެވެން ނެތް ކަމަށެވެ. އަދި އެހެން ގައިދީންނެކޭ އެއްފަދައިން އަދީބަށް ވެސް ލިބޭނީ މަހަކު އެއް އާއިލީ ބައްދަލުވުން ކަމަށް އެސީޓީގައި ބުނެފައިވެއެވެ.
ނަމަވެސް ކުރިން އަދީބަށް ސްޕެޝަލް ޕްރޮޓެކްޝަން ހަމަޖައްސާ ދީފައިވާކަން ފާހަގަ ކޮށްލެވެއެވެ.
ގައިދީންނަށް ސްޕެޝަލް ޕްރޮޓެކްޝަން ދެނީ އެ ގައިދީންނާ ބެހޭ ގޮތުން ކަރެކްޝަނުން ހަދާ އެސެސްމެންޓަކަށްފަހުއެވެ. ކަރެކްޝަންގެ މީޑިއާ އޮފިޝަލު ވިދާޅުވީ އަދީބަށް ކުރިން ސްޕެޝަލް ޕްރޮޓެކްޝަން ދިން ކަމަށާއި ސްޕެޝަލް ޕްރޮޓެކްޝަން ހުއްޓާލީ އެސެސްމެންޓު ރިވިއު ކުރުމަށްފަހު ކަމަށެވެ.
ތަފާތު ތިން މައްސަލައެއްގައި ޖުމުލަ 33 އަހަރުގެ ޖަލު ހުކުމް އަދީބަށް ވަނީ އިއްވާފައެވެ.