ޑރ. ޑރ.އަބްދުﷲ މައުސޫމް ޖުމްހޫރީ ޕާޓީގެ ނައިބް ރައީސް ކަމަށް ކުރިމަތިލައްވައިފި އެވެ.
ޖޭޕީގެ ނައިބު ރައީސް ކަމަށް މައުސޫމް ކުރިމަތި ލެއްވިކަން އެބޭފުޅާ ހާމަ ކުރައްވާފައިވަނީ ޓްވިޓަ މެދުވެރިކޮށެވެ. ޑރ.މައުސޫމް ވަނީ ޖޭޕީ މުޅިން އެހެން ހަރުފަތަކަށް ގެންގޮސް ދިނުމަށް ޖޯޝާއި ހީވާގި ކަމާއެކު މަސައްކަތް ކޮށްދެއްވާނެ ކަމަށް ވިދާޅުވެފައެވެ. އަދި އެބޭފުޅާއަށް ތާއީދު ކޮށްދިނުމަށް ވެސް އެދިވަޑައިގެންފައިވެއެވެ.
Salaam.
JP ge #NaibuRaees (Vice President) kamah alhugan'du kurimathilaifin. Insha Allah @Jumhooree_MV next level ah gendhiumah, thiya beyfulhunnaai eku joashugai masakkaiy kuramun dhaane vaahaka dhannavamun, alhugan'dah support kohdhevvumah edhen.
Shukuriyya!
Dr. Mausoom (Maus)— Abdulla Mausoom (@Mausoom_Maus) June 20, 2018
މީގެ ކުރިން ޑރ.މައުސޫމް ވަނީ ޑީއާރުޕީގެ ޑެޕިއުޓީ ލީޑަރުކަން ވެސް ކުރައްވާފައެވެ. މައުސޫމަކީ މިހާރު ވެސް ޖޭޕީގެ ކައުންސިލު މެންބަރެކެވެ.
ޑރ.މައުސޫމް ވަނީ ޓޫރިޒަމް މިނިސްޓަރު ކަމާއި ކެލާ ދާއިރާގެ މެންބަރުކަން ވެސް ކުރައްވާފައެވެ. ނިމިދިޔަ ރިޔާސީ އިންތިހާބުގައި ޑރ.މައުސޫމް ޖޭޕީއާއި ގުޅިވަޑައިގެންނެވުމަށްފަހު ހުންނެވީ ޖޭޕީގެ ލީޑަރު ގާސިމް އިބްރާހީމްގެ ސަން އައިލެންޑް ރިސޯޓުގެ ޖެނެރަލް މެނޭޖަރުގެ މަގާމުގައެވެ. ޑރ. މައުސޫމް ވަނީ އެމަޤާމުން ސިޔާސީ މަސައްކަތަށް ވަގުތު ދެއްވުމުގެ ގޮތުން މިދިޔަ ޖެނުއަރީ މަހު އިސްތިޢުފާ ދެއްވާފައެވެ.
ޖޭޕީގެ ރައީސް ކަމަށް ކުރިމަތިލައްވާފައި ވަނީ އަލީ ވަޙީދެވެ.