ސިނަމާލެ އާއި މާލޭހިޔާ ފްލެޓްތަކުގައި ދިރިއުޅޭ މީހުންނާ މެދު މާލޭ ސިޓީ ކައުންސިލުން ވަރަށް ބޮޑަށް އިހުމާލު ވެފައިވާ ކަމަށް، ހައުސިން މިނިސްޓަރު ޑރ. މުހައްމަދު މުއިއްޒު ތުހުމަތު ކުރައްވާ ކުރެއްވި ޓްވީޓަށް ސިޓީ ކައުންސިލްގެ ޑެޕިއުޓީ މޭޔަރު ޝަމާއު ޝަރީފް ރައްދު ދެއްވައިފިއެވެ.
ޑރ.މުއިއްޒުގެ ޓްވީޓަށް ޝަމާއު ރައްދު ދެއްވާފައިވަނީ ވެސް ހަމަ ޓްވީޓަކުންނެވެ.އެ ޓްވީޓްގައި ޝަމާއު ވަނީ ފްލެޓްތަކަށް އަލަށް ވަޑައިގަތުމުން މިނިސްޓަރު މުއިއްޒަށް ލައްކަ ކަންކަން ފެނިވަޑައިގެންފި ކަމަށް ވިދާޅުވެފައެވެ. އެކަމަކު، އެތަނުގެ ފުރާޅާއި ވެއްޓެން ކައިރިވެފައި ހުރި ބެލްކަނިތަކާއި ތަނބުތައް ވެސް އަދި ބަލަން ޖެހޭ ކަމަށް ޝަމާއު ވިދާޅުވި އެވެ.
Alah dhiyaima lakka kankan fenijje dhehthoa.Adhi furaalhaa,ehen thanthanves bahlavaalaathi.Vehten kairi vefahuri balcony thakaa, thanbuthahves eba jehey balan. Manikufaanah flat aa gulhey varah gina sitee fonuvin.Alhaaves nuli. Baaruthah mushah laigen MCC obi elhy mi sarukaarun👹 https://t.co/iqB0jSam36
— Shamau Shareef (@schamau) June 23, 2018
ޝަމާއު ވިދާޅުވީ ފްލެޓާ ގުޅޭގޮތުން ވަރަށް ގިނަ ސިޓީތައް މިނިސްޓަރު މުއިއްޒަށް ވަނީ ފޮނުވާފައި ކަމަށެވެ. އެކަމަކު، އެކަމާ އެއްވެސް ވަރަކަށް އަޅާނުލެއްވި ކަމަށް ވެސް ޝަމާލް ވިދާޅުވިއެވެ.
އެމްޑީޕީގެ އަޣުލަބިއްޔަތު އޮންނަ މާލޭ ސިޓީ ކައުންސިލްގެ ގިނަ މަސައްކަތްތައް ހައުސިން މިނިސްޓްރީގެ ދަށަށް ބަދަލުކޮށްފައިވާކަން ފާހަގަ ކުރައްވައި ޝަމާއު ވިދާޅުވީ ބާރުތައް މުށަށް ލައިގެން އެމްސީސީ (މާލޭ ސިޓީ ކައުންސިލް) އޮބި އެޅީ ސަރުކާރުން ކަމަށެވެ.
ބޮޑެތި މަރާމާތުތަކެއް ބޭނުންވާ މާލޭ ހިޔާ އާއި ސިނަމާލޭ ފްލެޓްތައް ބެލެހެއްޓުން ސިޓީ ކައުންސިލާ ހަވާލު ކޮށްފައިވާއިރު، އެ ފްލެޓްތަކުގެ މެއިންޓަނަންސް ކަންތައްތައް ވަނީ އަމިއްލަ ކުންފުންޏަކަށް ދޫކޮށްފަ އެވެ.