މާލެ އަތޮޅުގެ ތިން ރަށަކަށް ކުރައްވާ ދަތުރުފުޅެއްްގައި ރައީސް އަބްދުﷲ ޔާމީން މިއަދު ފުރާވަޑައިގަންނަވައިފިއެވެ.
ރައީސް ވަޑައިގަންނަވާ ތިން ރަށަކީ ކ. މާފުށި، ގުރައިދޫ އަދި ތުލުސްދޫއެވެ.
President departs on an official visit to the Malé Atoll islands of Thulusdhoo, Maafushi and Guraidhoo. pic.twitter.com/D68BKdKPcB
— ɪʙʀᴀʜɪᴍ ᴍᴜᴀᴢ ᴀʟɪ (@SpokespersonMV) June 24, 2018
ރައީސްގެ މި ދަތުރު ފުޅުގައި އެމަނިކުފާން އެންމެ ފުރަތަމަ ވަޑައިގަންނަވާނީ ތުލުސްދޫއަށެވެ. ތުލުސްދޫއަށް ވަޑަައިގެން އެރަށުގެ ބަނދަރު ހުޅުއްވައި ދެއްވުމަށްފަހު އެމަނިކުފާން ދެން ވަޑައިގެންނެވުމަށް ހަމަޖެހިފައިވަނީ މާފުށްޓައްށެވެ. މާފުށީ ގިރާ ސަރަހައްދު ހިމާޔަތް ކުރުމަށް މި ސަރުކާރުން ކުރިއަށް ގެންދިޔަ މަޝްރުއޫ އިފްތިތާހު ކޮށްދެއްވުމަށް ފަހު ދެން ވަޑައިގަންނަވާނީ ގުރައިދޫއަށެވެ.
ގުރައިދޫއަށް ވަޑައިގެން މިސަރުކާރުން އެރަށުގައި ހަދާފައިވާ ބަނދަރާއި ސާފު ބޯފެނުގެ ނިޒާމް އިފްތިތާހު ކޮށްދެއްވުމަށް ވަނީ ހަމަޖެހިފައެވެ.
މި ދަތުރުފުޅުގައި އެމަނިކުފާނާއި އެކު ބައެއް ވަޒީރުން ވަޑައިގަންނަވައެވެ.