މަޝްހޫރު ދީނީ އިލްމުވެރިޔާ ޝެއިހް އަލީ ޒައިދަށް ދީނީ ތަގުރީރު ދެއްވުމަށް ދީފައިވާ ލައިސެންސު ވަގުތީގޮތުން ހިފެހެއްޓުމަށްފަހު، އޭނާއަށް އަލުން އެ ހުއްދަ ދީފި އެވެ.
ޝެއިޚް ޒައިދު ވަނީ މި ޚަބަރު އޭނާގެ ޓްވިޓާ އެކައުންޓް މެދުވެރިކޮށް އިއުލާންކޮށްފަ އެވެ.
Al hamdhu lillaahi!
Alhuganduge LICENSE dhookollaifi! Mikamugai alhugandah hurihaa gothakun eheetherivedhehvi enmehaa faraai thakah shukuru dhannavan! adhi mi undhagoo dhadivalhugai alhugandah hihvaru dhehvevi enmehaa faraai thakah heyo dua. Haggu vaanee haggah IA.— Ali Zaid (@alizaid1000) June 25, 2018
ޝެއިޚް ޒައިދު ކުރެއްވި ޓްވީޓްގައި ވިދާޅުވެފައި ވަނީ އޭނާގެ ލައިސެންސް ދޫކޮށްލައިފި ކަމަށާއި އެކަމުގައި އޭނާއަށް ހުރިހާ ގޮތަކުން އެހީތެރިވެދެއްވި ހުރިހާ ފަރާތްތަކަށް ޝުކުރު ދަންނަވާ ކަމަށެވެ.
ޝެއިޚް ޒައިދަށް ދޫކޮށްފައިވާ ދީނީ ތަގުރީރު ދެއްވުމުގެ ހުއްދަ ބާތިލްކުރީ މިދިޔަ މެއި މަހުގެ 28 ވަނަ ދުވަހު އެވެ. އެ ހުއްދަ ބާތިލްކުރި ވަކި ސަބަބެއް އިސްލާމިކް މިނިސްޓްރީން ވެސް އަދި ޝެއިޚް ޒައިދުވެސް މިއަދާ ހަމައަށް ހާމަކޮށްފައެއް ނުވެ އެވެ.
ޝެއިހް ޒައިދު މިފަހަކަށް އައިސް ގެންދަވަނީ ސޯޝަލް މީޑިއާގައި ދީނީ މައްސަލަތަކުގައި ވަރަށް ބޮޑަށް އޭނާގެ ޚިޔާލު ހިއްސާކުރެއްވުމުގެ އިތުރަށް ދީނީ ކަންކަމުގައި ސަރުކާރުގެ ވެރިން ދައްކަވަމުން ގެންދަވާ ވާހަކަފުޅުތަކަށް ވަރަށް ބޮޑަށް ފާޑު ވިދާޅުވަމުންނެވެ.