ޖަލަށް އެނބުރި ދިޔުމަކީ އުނދަގޫ ކަމެއް ކަމަށް، ގަލޮޅު ދެކުނު ދާއިރާގެ މެންބަރު އަހްމަދު މަހްލޫފް މިއަދު ވިދާޅުވެއްޖެއެވެ.
އެ ބޭފުޅާ މިހެން ވިދާޅުވެފައިވަނީ މިއަދު ކުރެއްވި ޓްވީޓެއްގައެވެ.
ޓްވީޓްގައި އިތުރަށް ވިދާޅުވެފައިވަނީ މި މަސައްކަތުގެ ތެރެއިން އެތައް ބަޔަކު މަރާލައިފި ކަމަށާއި އެތައް ބަޔަކަށް އަނިޔާ ލިބިއްޖެ ކަމަށެވެ.
ޕާޓީތަކުގެ ލީޑަރުން ދިވެހި ރައްޔިތުން އަމާން ބަނދަރަކަށް ވާސިލްކޮށް ދެއްވާނެކަން އެބޭފުޅާ ޔަގީން ކުރައްވާ ކަމަށް ވެސް މަހްލޫފް ވަނީ ވިދާޅުވެފައެވެ.
ޔާމީންގެ އަނިޔާވެރިކަން ﷲގެ އިރާދަފުޅާއެކު ނިންމާނެ ކަމަށް ވެސް ވިދާޅުވިއެވެ.
Jalah enburi dhiumakee undhagookameh. Mimasahkathuge therein etha bayaku maraalaifi ethah bayakah aniyaa libijje. Party thakuge leaderun, dhivehi rayyithun amaan bandharakah vaasil kohdhehvaanekan alhugandu yageen kuran. Yameen ge aniyaaverikan Allah iraadhafulhaaeku nimmaane.
— Ahmed Mahloof (@AhmedMahloof) July 4, 2018
މަހުލޫފް ރޭ ކުރައްވާފައިވާ ޓްވީޓެއްގައި ވިދާޅުވީ އެ ބޭފުޅާގެ މައްޗަށް އުފުލާފައިވާ ގާނޫނު ތަންފީޒުކުރާ އިދާރާއަކަށް ދޮގު މައުލޫމާތު ދިނުމުގެ ކުށުގެ ދައުވާގެ މިއަދުގެ އަޑުއެހުމުގައި "ހުކުމް ކުރުމަށް ނިންމާފައިވާކަން ވަރަށް ޔަގީންކޮށް މައުލޫމާތު ލިބިފައިވާ"ކަމަށެވެ.
މިވަގުތު ގޭބަންދުގައި ހުންނެވި މަހްލޫފް ވިދާޅުވި ގޮތުގައި އޭނާ ޖަލަށްލީ ނަމަވެސް ކުރަމުންދާ އިސްލާހީ މަސައްކަތުގައި ފަސްޖެހުމެއް ނެތެވެ.
މަހްލޫފް ވިދާޅުވެފައި ވަނީ "މާތްﷲގެ އިރާދަފުޅުން ދެން ޖަލުން އެނބުރި އަންނަނީ 23 ސެޕްޓެމްބަރުގެ އިންތިޚާބުގައި ރައީސް ޔާމީން ބަލިކުރުމަށްފަހު" ކަމަށެވެ.