މާލޭގެ ދަފްތަރުގައި ރަޖިސްޓްރީ ވުމަށް ފޯމް ހުށަހަޅާފައި އޮތަސް ރިޔާސީ އިންތިޚާބުގައި ވޯޓުލުމުގެ ފުރުސަރު އޮންނާނެކަމަށް ހައުސިންގ މިނިސްޓަރު ޑރ. މުޙައްމަދު މުޢިއްޒު ވިދާޅުވެއްޖެއެވެ.
މިނިސްޓަރު މުއިއްޒު މިހެން ވިދާޅުވީ މިއަދު ކުރެއްވި ޓްވީޓެއްގަ އެވެ.
Dhaftharu gai registry vumah form hushahelhumuge furusathu hulhuvaalumuge sababun Riyaasee Inthikhaabugai beynunkuraa voters list ah evves badhaleh naannaane adhi vote lumuge furusath gelleyfadha nuvatha vote lumuge haqqah unikan annafadha evves gotheh medhuverinuvaane.
— Dr Mohamed Muizzu (@MMuizzu) July 4, 2018
އެ ޓްވީޓްގައި މުއިއްޒު ވިދާޅުވެފައި ވަނީ ދަފްތަރުގައި ރަޖިސްޓްރީ ވުމަށް ފޯމް ހުށަހެޅުމުގެ ފުރުސަތު ހުޅުވާލުމުގެ ސަބަބުން އިންތިޚާބުގައި ބޭނުންކުރާ ވޯޓާސް ލިސްޓަށް އެއްވެސް ބަދަލެއް ނާންނާނެ ކަމަށެވެ.
އަދި ދަފްތަރުގައި ރަޖިސްޓްރީ ވުމަށް ފޯމް ހުށަހެޅިޔަސް ވޯޓް ލުމުގެ ފުރުސަތު ގެއްލޭފަދަ ނުވަތަ ވޯޓް ލުމުގެ ޙައްޤަށް އުނިކަން އަންނަފަދަ އެއްވެސް ގޮތެއް މެދުވެރިނުވާނެ ކަމަށްވެސް މުއިއްޒު ވިދާޅުވި އެވެ.
މުއިއްޒު މިގޮތަށް ވިދާޅުވެ ޓްވިޓް ކުރައްވާފައި މިވަނީ، މާލޭ ދަފްތަރުގައި ރަޖިސްޓްރީ ވުމަށް ހުޅުވާލުމާއެކު، ދަފްތަރުގައި ރަޖިސްޓްރީވުމަށް ފޯމުލާމީހުންނަށް ކުރިއަށްއޮތް ރިޔާސީ އިންތިޚާބުގައި ވޯޓުލުމުގެ ހައްޤު ގެއްލިދާނެކަމަށްބުނެ ބައެއް މީހުން ވާހަތައް ފަތުރަމުންދާ ދަނޑިވަޅެއްގައެވެ.