އެމްޑީޕީގެ ރިޔާސީ ކެންޑިޑޭޓް އިބްރާހިމް މުހައްމަދު ސޯލިހް (އިބޫ) އަށް ރައްޔިތުންގެ ތާއީދު އޮތްކަމީ އިންކާރު ނުކުރެވޭނެ ކަމެއް ކަމަށް ކުރީގެ ރައީސް މުހައްމަދު ނަޝީދު މިއަދު ވިދާޅުވެއްޖެ އެވެ.
އިބޫގެ ދޮރުން ދޮރަށް ކެމްޕޭންގެ ފޮޓޯތަކާއެކު ނަޝީދު ކުރެއްވި ޓްވީޓެއްގައި ވިދާޅުވީ އެމްޑީޕީ އާއި ގުޅިފައިވާ ޕާޓީތަކުގެ ރިޔާސީ ކެންޑިޑޭޓް އިބޫ އަށް ރާއްޖޭގެ އެކި ކަންކޮޅުތަކުން ތާއީދު އޮތުމަކީ ދެކޮޅު ނުވެވޭނެ ހަގީގަތެއް ކަމަށެވެ.
MDP ge adhi Gulhifaivaa Party thakuge Riyaasee Candidate Hon. Ibrahim Mohamed Solih ah Raajjege hurihaa kankolhehge rayyithunge thaaidhu oiy kamee inkaaru nukureveyne hageegatheh pic.twitter.com/Nj1rLqVhTD
— Mohamed Nasheed (@MohamedNasheed) July 8, 2018
އެހެންވެ އެމްޑީޕީގެ ރިޔާސީ ކެންޑިޑޭޓް އިބޫއާ މެދު އެއްވެސް ޝައްކެއް ނުކުރައްވާ ކަމަށާއި އިބޫ ރަނގަޅު މަސައްކަތްޕުޅެއް ކުރައްވާނެ ކަމަށް ގަބޫލުފުޅު ކުރައްވާ ކަމަށް ނަޝީދު ކުރިން ވެސް ވިދާޅުވި އެވެ.
އެމްޑީޕީން އިއްޔެ އިން ފެށިގެން ވަނީ ދޮރުން ދޮރަށް ކެމްޕޭން ފަށައިފަ އެވެ. އެކަމަކު އިބޫއާ އެކު ރަނިން މޭޓެއްގެ ގޮތުގައި ނުކުންނާ މީހަކު އަދި ކަށަވަރެއް ނުވެ އެވެ. ރަނިން މޭޓަކީ ޖުމްހޫރީ ޕާޓީގެ ބޭފުޅެކެވެ.