ރައީސް އަބްދުﷲ ޔާމީން އަބްދުލްޤައްޔޫމްގެ ރަނިންމޭޓުގެ ގޮތުގައި އައްޔަން ކުރެއްވި ކުރީގެ އިސްލާމިކް މިނިސްޓަރ ޑރ. މުހައްމަދު ޝަހީމް އަލީ ސައީދަކީ ރާއްޖެއިން އައިއެސް ޖަމާއަތަށް މީހުން ރެކްރޫޓު ކުރާ ބޭފުޅެއް ކަމަށް ތުހުމަތު ކުރެވޭ ކަމަށް ބުނެ ކުރީގެ ރައީސް މުހައްމަދު ނަޝީދު ކުރެއްވި ޓުވީޓަކާ ގުޅިގެން އިލްމުވެރިންގެ މެދުގައި ނަޝީދަށް ނުރުހުން އަމާޒު ވެއްޖެއެވެ.
އިއްޔެ ނަޝީދު ކުރެއްވި ޓުވީޓުގައި ވިދާޅުވެފައިވަނީ ޑރ. ޝަހީމަކީ އައިއެސް ޖަމާއަތަށް ރާއްޖެއިން މީހުން ރެކްރޫޓު ކުރުމުގެ ތުހުމަތު ކުރެވިފައިވާ މީހެއް ކަމަށާއި ސައުދީ އަރަބިއްޔާއިން ރާއްޖެއަށް ކަނޑައަޅުއްވާފައި ހުންނެވި ސަފީރު ޝަހީމަށް ތާއީދު ކުރުމަކީ ހަރުކަށި ފިކުރު ރާއްޖޭގައި ފެތުރުމަށް ލިބުނު ބާރެއް ކަމަށެވެ.
President Yameen picks Shaheem – an alleged recruiter for Islamic State – as his running mate. Saudi amb. @BaderAlkahail endorses him. Tells you everything you need to know about Saudi support for violent extremism in the Maldives.
— Mohamed Nasheed (@MohamedNasheed) July 10, 2018
ނަޝީދުގެ މިޓުވީޓާ ގުޅިގެން ބައެއް އިލްމުވެރިންގެ ފާޑުކިޔުންތައް އެމަނިކުފާނަށް ރައްދު ވެފައިވާއިރު ޑރ. ޝަހީމް އަދި އެ ޓުވީޓަށް ރައްދު ދީފައެއް ނުވެއެވެ. ނަޝީދުގެ ޓުވީޓާ ދެކޮޅުވި އިލްމުވެރިންގެ ތެރޭގައި ސަރުކާރަށް ވަރަށް ބޮޑަށް ފާޑުވިދާޅުވަމުން އަންނަ މަޝްހޫރު ދީނީ އިލްމުވެރިޔާ ޑރ. އިޔާޒާއި ޝެއިޚް އަނީލް ފަދަ އިލްމުވެރިން ހިމެނެއެވެ.
Thaaeedh. @Mohamedshaheem1 aky efadha beyfulheh noon kamah alhugadu ves heki van. Siyaasee gothun vaadha veri kameh oiy namaves buhthaanu dhogu hadhdhavaigen mees meehun ge aburu kathilan noolhuvvaa @MohamedNasheed
— Dr.Mohamed Iyaz (@dr_iyaz) July 10, 2018
ޝެއިޚް އަނީލް ނަޝީދަށް ރައްދު ދެއްވަމުން ކުރެއްވި ޓުވީޓުގައި ވިދާޅުވެފައިވަނީ ޑރ. ޝަހީމާ ގުޅިގެން ނަޝީދު ދެއްކެވި ވާހަކައަކީ ކަނޑައެޅިގެން ދޮގެއް ކަމަށެވެ. އޭނާގެ އެވާހަކައަށް ތާއީދު ކުރައްވަމުން ޑރ. އިޔާޒް ވިދާޅުވެފައިވަނީ ކެމްޕޭނު ކުރުމުގެ ނަމުގައި މީހުން އަބުރު ކަތިލައި، ދޮގު މައުލޫމާތު ފެތުރުމަކީ ގަބޫލު ކުރެވޭނެ ކަމެއް ނޫން ކަމަށެވެ.
ރައީސް ޔާމީންގެ ރަނިންމޭޓަކަށް ޑރ. ޝަހީމް އައްޔަން ކުރުމުން ރާއްޖޭގެ އިލްމުވެރިންގެ ތެރޭގައި ޚިޔާލު ތަފާތުވުންތައް އުފެދުނެވެ. ބައެއް އިލްމުވެރިން ޝަހީމްގެ ފަހަތަށް ޖެހިވަޑައިގެންފައިވާއިރު ބައެއް އިލްމުވެރިން ވަނީ ކޮރަޕްޝަނާ ފަސާދައިގެ ކޮޅު ޝަހީމް ނަންގަވާފައިވާ ކަމަށް ބުނެ ފާޑުވިދާޅުވެފައެވެ.