ވިލާތުގެ އިއްތިހާދު (އީޔޫ) ން ސަރުކާރުގެ އިސްވެރިންގެ މައްޗަށް ފިޔަވަޅު އަޅަން ނިންމި ނިންމުމަކީ ސަރުކާރަށް ދިން ވަރުގަދަ މެސެޖެއް ކަމަށާއި ޑިމްކްރަސީގެ މަގަށް ރުޖޫއަ ވުމަށް ރާއްޖޭގެ ކުރީގެ ހާރިޖީ ވަޒީރު ރައީސް މައުމޫންގެ ދަރިކަބަލުން ދުންޔާ މައުމޫން ވިދާޅުވެއްޖެއެވެ.
ދުންޔާ ކުރެއްްވި ޓްވީޓެއްގައި ވިދާޅުވީ އީޔޫއިން އަދިވެސް ބޭނުންވަނީ ސަރުކާރު ޑިމޮކްރަސީގެ މަގަށް ރުޖޫއަވެ ގޮތްދޫކުރުމަށްކަމަށެވެ.
EU is encouraging Maldives return to the path of democracy. It is not wise to ignore this clear and strong message. Many issues we need to deal with including “political prisoners’, independent EC, fair trials and preparing for a free & fair election. Talks?#MaldivesinCrisis https://t.co/30OrR6EMel
— Dunya Maumoon (@dunyamaumoon) July 16, 2018
އެގޮތުން އީޔޫން ގޮވާލާފައިވާ ކަންކަމަށް ބީރުކަންފަތެއް ނުދީ އެކަންކަން އިސްލާހު ކުރުމަށް ދުންޔާ ވަނީ ގޮވާލާފައެވެ.
އީޔޫއިން ވަނީ ރާއްޖޭގައި މިނިވަން އިންސާފުވެރި ޝަރީއަތެއް ބޭއްވުމަށް ދެ ފުށް ފެންނަ ސިޔާސަތެއް އެކުލަވާލުމަށާއި މިހާރު ނުހައްގުން ހައްުޔަރުކޮށް ދައުވާ އުފުލާފައިވާ ސިޔާސީ ލީޑަރުން ދޫކޮށް މަޝްވަރާގެ މޭޒަށް އައުމަށް ގޮވާލާފައެވެ.
އީޔޫން މިއަދު ނިންމާފައިވަނީ ރާއްޖޭގެ ހާލަތު މިހާރަށް ވުރެ ރަނގަޅު ނުވާ ނަމަ، ރާއްޖޭގެ ވެރިންނަށް ދަތިކުރުމުގެ ފިޔަވަޅު އަޅާނެ ގޮތުގެ އޮނިގަނޑެއް އެކުލަވާލުމަށް ފާސްކޮށްފައެވެ.