30 އަހަރަށް ރައީސް ޔާމީން ވެރިކަމުގައި ބަހައްޓަން ޖެހޭ ކަމަށް ޑރ. ޝަހީމް އަލީ ސައީދު ވިދާޅުވުމާއި ގުޅިގެން އެވާހަކަ އަށް ރައްދު ދެއްވާ ރައްޔިތުންގެ މަޖިލީހުގެ އައްޑޫ މީދޫ ދާއިރާގެ މެމްބަރު ރޮޒެއިނާ އާދަމް ވިދާޅުވީ ރައީސް ޔާމީން މި ފަހަރު ހޮވިއްޖެޔާ ދެން ވެރިކަމަކުން ނުފައިބާނެ ކަން އެނގޭ ކަމަށެވެ.
މިއަދު އެކަމަނާ ކުރެއްވި ޓްވީޓެއްގައި ބުނެފައިވަނީ މިފެންނަން ފެށީ އަސްލު ރޭވުން ކަމަށެވެ. އިތުރަށް ވިދާޅުވީ "އަޅުގަނޑުމެންނަށް އެނގޭ ޔާމީން އަބްދުލްގައްޔޫމް މިފަހަރު ހޮވިއްޖެއްޔާ އޭނާ ދެން މި ގައުމުގެ ވެރިކަމުން ނުފައިބާނެކަން" މިހެންނެވެ.
Mi fennan feshy aslu reyvun. Alhugandumennah engey YAG mifaharu hovijjeyya eyna dhen mi qaumuge verikamun nufaibaanekan.
Islam dheeney kiyaigen vakkama, fasaadhaya, corruption aa bey-insaafaa, aniyaaverikan 30 aharah mi qaumah faakuran Shaheem noolhuvva!https://t.co/10tiYXTyXB— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 🎈 (@Roxeyna) July 19, 2018
އިތުރަށް ޓްވީޓްގައި ވިދާޅުވެފައިވަނީ އިސްލާމްދީނޭ ކިޔައިގެން ވައްކަމާއި، ފަސާދަޔާއި، ކޮރަޕްޝަނާއި، ބޭއިންސާފާއި އަނިޔާވެރިކަން 30 އަހަރަށް މި ގައުމަށް ފާކުރަން ޑރ. ޝަހީމް ނޫޅުއްވުމަށެވެ.
މާލޭގައި ދިރިއުޅޭ ހުވަދޫ އަތޮޅު ރައްޔިތުންނާ އެކު، ބޭއްވި ރަސްމިއްޔާތުގައި ހުވަދޫ ބަހުން ވާހަކަދައްކަވަމުން ޝަހީމް ވިދާޅުވީ އިސްލާމް ދީނަށް ނަސްރު ދޭހާ ހިނދަކު، އިތުރު ދައުރުތަކުގައި ވެރިކަން ކުރެއްވުމަށް ރައީސް ޔާމީނަށް އާދޭސް ދަންނަވަން ތައްޔާރަށް ހުންނެވި ކަމަށެވެ. އަދި ދުނިޔޭގައި ހުރިހާ ހިނދަކު އެކަމަށް މަސައްކަތް ކުރައްވާނެ ކަމަށް ޝަހީމް ވަނީ ވިދާޅުވެފައެވެ.