ޤާނޫނީ ވަކީލު، އަބްދުﷲ ހަސީން އެމްޑީޕީން ވަކިވެ އާ ސިޔާސީ ޕާޓީއެއް އުފެއްދުމަށް އިލެކްޝަންސް ކޮމިޝަން (އީސީ) އަށް ހުށަހެޅުމުން އެ ކޮމިޝަނުން ހުއްދަ ނުދޭން ނިންމައިފި އެވެ.
އީސީ އިން މިކަން ހާމަކޮށްފައި ވަނީ މިއަދު ހަވީރު ކުރި ޓްވީޓެއްގަ އެވެ.
Maldives Labour and Social Justice Party ge namugai party eh uffedhumuge huddha ah hushahalhaafaivaa hushahelhumaa gulhigen Election Commission in e namugai siyaasee party eh ufedhumuge hudhaeh nudhin
— Elections Commission (@ElectionsMv) July 24, 2018
އެ ޓްވީޓްގައި ބުނެފައި ވަނީ 'މޯލްޑިވްސް ލޭބަރ އެންޑް ސޯޝަލް ޖަސްޓިސް ޕާޓީ' ގެ ނަމުގައި ޕާޓީއެއް އުފެއްދުމަށް އީސީ އަށް ހުށަހަޅާފައިވާ ކަމަށާއި، އެކަމަކު އެ ކޮމިޝަނުން އެ ނަމުގައި ސިޔާސީ ޕާޓީއެއް އުފެއްދުމުގެ ހުއްދަ ނުދޭން ނިންމާފައިވާ ކަމަށެވެ.
މިދިޔަ އޭޕްރީލް މަހު ވެސް އާ ދެ ޕާޓީއެއް އުފައްދަން ބަޔަކު އީސީއަށް ހުށަހެޅި އެވެ. ނަމަވެސް ބައެއް ޝަރުތުތައް ފުރިހަމަ ނުވާ ކަމަށް ބުނެ އެ ދެ ޕާޓީއަށް ހުއްދައެއް ނުދެ އެވެ.
ރާއްޖޭގައި މި ވަގުތު ރަޖިސްޓްރީކޮށްފައި ވަނީ ހަ ސިޔާސީ ޕާޓީއެކެވެ.