އަންނަ ނޮވެމްބަރު މަހުގެ 23 ގައި ރިލީޒް ކުރަން އޮތް "ސްޓޫޑަންޓް އޮފް ދި އިޔާ 2" އަންނަ އަހަރަށް ފަސްކޮށްފި އެވެ.
ފިލްމްގެ ޕްރޮޑިއުސަރި ކަރަން ޖޯހަރް ކުރި ޓްވީޓެއްގައި ބުނީ އެ ފިލްމް ސިނަމާތަކަށް އަންނާނީ އަންނަ އަހަރުގެ މެއި މަހުގެ 10 ގައި ކަމަށެވެ.
"ސްޓޫޑަންޓް އޮފް ދި އިޔާ 2" އަކީ ކަރަން 2012 ގައި ޑައިރެކްޓް ކުރި ފިލްމްގެ ދެވަނަ ބައެވެ. އެ ފިލްމްގައި ލީޑް ރޯލް ކުޅުނީ އާލިއާ ބަޓާއި ވަރުން ދަވަން އާއި ސިދާތު މަލްއުތުރާ އެވެ.
Summer 2019!!!! 10.05.2019 !! 10th MAY 2019! Summer gets hotter!!! @punitdmalhotra @iTIGERSHROFF #Ananya #Tara @apoorvamehta18 @DharmaMovies @foxstarhindi #StudentOfTheYear2 pic.twitter.com/QJrMLzLk9x
— Karan Johar (@karanjohar) July 30, 2018
ދެވަނަ ބައި ކަރަންގެ ބަދަލުގައި ޕުނިތު މަލްއުތުރާ ޑައިރެކްޓް ކުރާ އިރު، މީގެ ކާސްޓުން ވެސް ތަފާތެވެ. ބަތަލަކީ ޓައިގާ ޝްރޮފެވެ. އަދި ބަތަލާއިންނަކީ އަލަށް ތައާރަފުވާ އަނަންޔާ ޕާންޑޭ އާއި ތާރާ ސުތާރިއާ އެވެ. އަނަންޔާއަކީ އެކްޓަރު ޗަންކީ ޕާންޑޭގެ ދަރިފުޅެވެ.
"ސްޓޫޑަންޓް އޮފް ދި އިޔާ 2" ފަސްކުރި ސަބަބެއް ކަރަން ނުބުނެ އެވެ. މި ފިލްމްގެ ޝޫޓީން ފެށި މިދިޔަ އެޕްރީލް މަހުގެ ތެރޭގަ އެވެ.