މި ހިނގާ އޮގަސްޓް މަހުގެ 19 ވަނަ ދުވަހު ސަރުކާރު ބަންދު ދުވަހެއްގެ ގޮތުގައި ރައީސް އަބްދުﷲ ޔާމީން އަބްދުލް ޤައްޔޫމް ހަމަޖައްސަވައިފި އެވެ.
ރައީސް އޮފީހުގެ ތަރުޖަމާނު އިބްރާހިމް މުއާޒް އަލީ ދާދި ދެންމެއަކު ކުރެއްވި ޓްވީޓެއްގައި ވިދާޅުވެފައި ވަނީ ކަލަންޑަރުގައި ވާ ގޮތަށް ޙައްޖު މަހުގެ ފުރަތަމަ ދުވަހަކީ 12 އޮގަސްޓް އަށް ވެއްޖެނަމަ، 19 އޮގަސްޓް އަކީ ސަރުކާރު ބަންދު ދުވަހެއްގެ ގޮތުގައި ރައީސުލްޖުމްހޫރިއްޔާ ހަމަޖައްސަވައިފި ކަމަށެވެ.
"Calendar gai vaa gothah Hajju mahuge furathama dhuvas, 12 Aug ah vejje nama, 19 Aug aky sarukaaru bandhu dhuvahehge gothugai Raeesuljumhooriyyaa hamajassavaifi. Migothah mi hamajessevy medhukendumeh nethi muvazzafunnah eid bandhu dhuvasthah libidhinumah takai." -im
— ɪʙʀᴀʜɪᴍ ᴍᴜᴀᴢ ᴀʟɪ (@SpokespersonMV) August 1, 2018
މުއާޒް ވިދާޅުވީ މިގޮތަށް ހަމަޖައްސަވާފައި ވަނީ މެދުކެނޑުމެއް ނެތި މުވައްޒަފުންނަށް އީދު ބަންދު ދުވަސްތައް ލިބިދިނުމަށްޓަކައި ކަމަށެވެ.
އެހެންކަމުން، މި މަހުގެ 16 ވާ ބުރާސްފަތި ދުވަހުން ދުވަހަށްފަހު ސަރުކާރުގެ އޮފީސްތައް ބަންދުވާނެ އެވެ. ދެން ސަރުކާރު ހުޅުވޭނީ އަޟްހާ އީދު ބަންދަށްފަހު، އޮގަސްޓް މަހުގެ 26 ވާ އާދިއްތަ ދުވަހު އެވެ.
އޮގަސްޓް 19 އަކީ ބަންދު ދުވަހެއް ކަމަށް ސަރުކާރުން ކަނޑައެޅުމާއެކު، މި އަހަރުގެ ބޮޑު އީދު ޗުއްޓީގެ ގޮތުގައި ޖުމްލަ ނުވަ ދުވަސް ލިބިގެންދާނެ އެވެ.