ގދ. ގައްދޫ އިން ހައްޔަރުކުރި ރައްޔިތުންގެ މަޖިލީހުގެ މަޑުއްވަރީ ދާއިރާގެ މެމްބަރު މުހައްމަދު އަމީތު އާއި ތިނަދޫ ދެކުނު ދާއިރާގެ މެމްބަރު އަބްދުﷲ އަހުމަދު ދޫކޮށްލައިފި އެވެ.
އަމީތާއި އަބްދުﷲ ހައްޔަރުކުރީ އެ ރަށަށް ރައީސް އަބްދުﷲ ޔާމީން ވަޑައިގަންނަވަން ކުޑަތަންވެފައިވަނިކޮށެވެ. އެ ބޭފުޅުން ހައްޔަރުކުރީ ރައީސްގެ ދަތުރުފުޅަށް ހުރަސް އަޅަން ހަރަކާތެއް ހިންގަން އުޅުމުގެ ތުހުމަތުގަ އެވެ.
ރައީސް ޔާމީން ގައްދޫއަށް ވަޑައިގެން އެ ރަށުގެ ރައްޔިތުންނާއި ބައްދަލު ކުރެއްވީ މިއަދު ހަވީރު ކަމަށްވާއިރު، ޖަލްސާ އަމީތާއި އަބްދުﷲ ދޫކޮށްލީ ރައީސް އެ ރަށުން ފުރާވަޑައިގެން ފަހުންނެވެ.
ފުލުހުންގެ ބެލުމުގެ ދަށުން މިނިވަންވުމަށްފަހު އަމީތު ކުރެއްވި ޓްވީޓެއްގައި ވިދާޅުވެފައި ވަނީ އޭނާ ހައްޔަރުނުކޮށް ރައީސް ޔާމީން އަށް ގައްދޫ އަށް ނޭރުމަކީ އެމަނިކުފާނުގެ ނުކުޅެދުންތެރިކަން ކަމަށެވެ.
Released from #Police custody.
Alhugadu hayyaru nukoh #Yameen ah #Gadhdhoo ah neyrumakee #Yameen ge nukulhedhuntherikan.
3500 meehunge aabaadhee akun jalsaa ah 100 meehun hama nukurevunee thaa'eedh nethigen.#Yameen bali kuraanan, Insha Allah. #IbuFaisal2018@PoliceMv pic.twitter.com/6iPMclRlv1
— Mohamed Ameeth (@MohamedAmeeth) August 7, 2018
އޭނާ އިތުރަށް ވިދާޅުވީ 3،500 މީހުންގެ އާބާދީއަކުން ޖަލްސާ އަށް 100 މީހުން ހަމަނުކުރެވުނީ ރައީސް ޔާމީން އަށްތާޢީދު ނެތިގެން ކަމަށެވެ.
"ޔާމީން ބަލި ކުރާނަން، އިންޝާ ﷲ"، އަމީތު ވިދާޅުވި އެވެ.