ރައީސް އަބްދުﷲ ޔާމިން އަބްދުލް ޤައްޔޫމްގެ އަނބިކަނބަލުން، ފާތުމަތު އިބްރާހިމް ބ. ދަރަވަންދޫއަށް ވަޑައިގެންފި އެވެ.
ރައްޔިތުންނާއި ބައްދަލުކުރެއްވުމަށް ކުރައްވާ މި ދަތުރުފުޅުގައި މެޑަމް ފާތުން ދަރަވަންދޫއަށް ވަޑައިގެންނެވީ މިއަދު ހެނދުނު އެވެ.
އެކަމަނާއާ އެކު މި ދަތުރުފުޅުގައި ޑިފެންސް މިނިސްޓަރު އާދަމް ޝަރީފް އުމަރާއި އިކޮނޮމިކް މިނިސްޓަރު މުހައްމަދު ސައީދުއާ އެއާޕޯޓް ކުންފުނީގެ މެނޭޖިން ޑިރެކްޓަރު އަދިލް މޫސާ އަދި ޗީފް އޮފް ޑިފެންސް ފޯސް މޭޖާ ޖެނަރަލް އަހުމަދު ޝިޔާމްގެ އިތުރުން ބައެއް މަޖިލީސް މެމްބަރުން ވެސް ބައިވެރިވެވަޑައިގެންނެވި އެވެ.
މި ދަތުރުފުޅުގައި އެކަމަނާ ވަނީ ދަރަވަންދޫގެ އުމުރުން ދުވަސްވީ މީހުންނާއި ކުޑަ ކުދިންގެ އިތުރުން ޚާއްސަ އެހީއަށް ބޭނުންވާ ފަރާތްތަކާ ވެސް ބައްދަލު ކުރައްވާ ހާލު ބައްލަވައިފަ އެވެ.