ނ. ޅޮހީން ކުޑަދޯންޏެއްގައި އެކަނި މަހަށް ނިކުތް ޒުވާނަކު ގެއްލިގެން ހޯދަން ފަށައިފިއެވެ.
މައުލޫމާތު ލިބިފައިވާ ގޮތުގައި ގެއްލިގެން ހޯދަނީ އެރަށު ފެހިވިނަ ހުސެއިން އަދުނާން (30އ)އެވެ.
އަދުނާން މަހަށް ނިކުތީ ރޭ 10:30 ހާއިރު ކަމަށާއި އޭނާ ގެއްލިފައިވަނީ ދޯނީގެ އިންޖީނު ހުއްޓިގެން ކަމަށް މައުލޫމާތު ލިބެއެވެ.
އަދުނާން އާއި އެންމެ ފަހުން ގުޅިގައިފައިވަނީ ރޭ ދަންވަރު 1:30 ހާއިރު ކަމަށް އެމްއެެންޑީއެފްއިން ބުންޏެވެ. އަދި އޭރު ދޯނި އޮތީ ނ.މަނަދޫއާއި ނ.ޅޮއްސާއި ދެމެދުގައި ކަމަށް އެމްއެންޑީއެފުން ބުނެއެވެ.
15 ފޫޓު ދިގު މި ދޯނީގެ ކުލައަކީ މަޑު ނޫކުލަ ކަމަށް އެެންއެންޑީއެފްއިން ބުންޏެވެ.